ಭೂಮಿಯ ಮೇಲಿನ ಅತಿ ಭೀಕರ ಪ್ರದೇಶ
ಮೈಕೊರೆಯುವ ಚಳಿ, ಎಷ್ಟು ಸಾಗಿದರೂ ಮುಗಿಯದ ವಿಶಾಲವಾದ ಬಯಲು, ಕಣ್ಣು ಹಾಯಿಸಿದಷ್ಟು ಹಿಮ. ಪ್ರಪಂಚದಲ್ಲಿ ಎಲ್ಲಿಯೂ ಇಲ್ಲದ ಅತಿ ಕಠಿಣ ವಾತಾವರಣ. ಅದೇ ಸೈಬೀರಿಯಾ. ವಿಶ್ವದ ಅತ್ಯಂತ ದೊಡ್ಡ ದೇಶವೆನಿಸಿರುವ ರಷ್ಯಾದ ಮುಕ್ಕಾಲು ಭಾಗವನ್ನು ಸೈಬೀರಿಯಾ ಆವರಿಸಿಕೊಂಡಿದೆ. ಒಂದು ವೇಳೆ ಸೈಬೀರಿಯಾ ಸ್ವತಂತ್ರ ರಾಷ್ಟ್ರವಾದರೆ ವಿಶ್ವದ ಅತಿದೊಡ್ಡ ದೇಶವೆನಿಸಿಕೊಳ್ಳಲಿದೆ.
ದಕ್ಷಿಣದಲ್ಲಿ ಆರ್ಕಟಿಕ್ ಸಾಗರದಿಂದ ಉತ್ತರ ಕೇಂದ್ರೀಯ ಕಜಕಸ್ತಾನ್ ಪರ್ವತದ ವರೆಗೆ, ಮಂಗೋಲಿಯಾ ಹಾಗೂ ಚೀನಾದ ರಾಷ್ಟ್ರೀಯ ಗಡಿ ಪ್ರದೇಶದ ವರೆಗೂ ಹರಡಿದೆ. ಸೈಬೀರಿಯಾದ ಒಟ್ಟು ವಿಸ್ತೀರ್ಣ 13.1 ದಶಲಕ್ಷ ಚದರ್ ಕಿಲೋ ಮೀಟರ್. ಸೈಬೀರಿಯಾ ಜಗತ್ತಿನ ಎರಡನೇ ಅತಿದೊಡ್ಡ ದೇಶವೆನಿಸಿರುವ ಕೆನಡಾಕ್ಕಿಂತಲೂ ದೊಡ್ಡದಾಗಿದೆ.
ಸೈಬೀರಿಯಾ ಎಂಬ ಪದಕ್ಕೆ ನಾನಾ ಅರ್ಥಗಳಿವೆ. ಸೈಬೀರಿಯಾ ಎಂಬ ಪದವು ಸಿಬರ್ ಜನರೊಡನೆ ಕೂಡಿಕೊಂಡಿದೆ ಎಂದು ಊಹಿಸಲಾಗಿದೆ. ಸಿಬರ್ ಅಂದರೆ ಸ್ಲೀಪಿಂಗ್ ಲ್ಯಾಂಡ್ ಎಂಬ ಅರ್ಥವಿದೆ. ಗ್ರೇಟ್ ಬ್ರಿಟನ್ಗಿಂತ 50 ಪಟ್ಟು ದೊಡ್ಡದಾಗಿದೆ ಸೈಬೀರಿಯಾ. ಆದರೆ, ಜನಸಖ್ಯೆ ಅದರ ಅರ್ಧದಷ್ಟೂ ಇಲ್ಲ. ಸುಮಾರು 2 ಕೋಟಿ ಜನಸಂಖ್ಯೆ ಇದ್ದಿರಬಹುದೆಂದು ಅಂದಾಜಿಸಲಾಗಿದೆ.
ಬೈಕಾಲ್ ಸರೋವರ
ಸೈಬೀರಿಯಾದಲ್ಲಿರುವ ವಿಶೇಷತೆಗಳ ಪೈಕಿ ಬೈಕಾಲ್ ಸರೋವರವೂ ಒಂದು. ಇದು ಜಗತ್ತಿನ ಅತಿ ಹಳೆಯ ಮತ್ತು ಅತಿ ಆಳವಾದ ಸರೋವರ ಎನಿಸಿಕೊಂಡಿದೆ. ಅಲ್ಲದೇ ಅತ್ಯಂತ ಶುದ್ಧ ನೀರಿನ ಸರೋವರ. ಈ ಸರೋವರ ಗಾತ್ರದಲ್ಲಿ ನೆದರ್ ಲ್ಯಾಂಡ್ ಅಥವಾ ಬೆಲ್ಜಿಯಂಗಿಂತಲೂ ದೊಡ್ಡದಾಗಿದೆ. ಜಗತ್ತಿನ ಶೇ.20ರಷ್ಟು ತಾಜಾ ನೀರು ಬೈಕಾಲ್ ಸರೋವರದಲ್ಲಿ ಲಭ್ಯವಿದೆ.
ಸೈಬೀರಿಯಾ ಜಗತ್ತಿನ ಅತಿದೊಡ್ಡ ಜೌಗು ಪ್ರದೇಶವೆನಿಸಿರುವ ವಾಸ್ಯುಗನ್ ಜೌಗು ಪ್ರದೇಶವನ್ನು ಒಳಗೊಂಡಿದೆ. ಇದು ಸ್ವಿಜರ್ ಲ್ಯಾಂಡ್ ಗಿಂತಲೂ ದೊಡ್ಡದಾಗಿದೆ. ಈ ಜೌಗು ಪ್ರದೇಶದಲ್ಲಿ 800ಕ್ಕೂ ಅಧಿಕ ನದಿಗಳಿವೆ. ಇದು 55 ಸಾವಿರ ಚದರ್ ಕಿ.ಮೀ.ಯಷ್ಟು ವಿಶಾಲವಾದ ಪ್ರದೇಶಕ್ಕೆ ಆವರಿಸಿಕೊಂಡಿದೆ. ಇಲ್ಲಿ ಅತಿ ಹೆಚ್ಚಿನ ಸಸ್ಯದ ಇದ್ದಿಲಿನ ಸಂಗ್ರಹವಿದೆ.
ದೊಡ್ಡ ದೊಡ್ಡ ನದಿಗಳು
ಸೈಬೀರಿಯಾದ ಗಾತ್ರಕ್ಕೆ ತಕ್ಕಂತೆ ಅಲ್ಲಿನ ನದಿಗಳೂ ದೊಡ್ಡದಾಗಿವೆ. ವಿಶ್ವದ ಅತಿದೊಡ್ಡ 10 ನದಿಗಳ ಪೈಕಿ ನಾಲ್ಕು ನದಿಗಳು ಸೈಬೀರಿಯಾದಲ್ಲಿ ಹರಿಯುತ್ತವೆ. ಲೀನಾ ನದಿ ಜಗತ್ತಿನ ನಾಲ್ಕನೇ ಅತಿದೊಡ್ಡ ನದಿ ಎನಿಸಿಕೊಂಡಿದೆ.
ಜಗತ್ತಿನ ಅತಿ ತಣ್ಣನೆಯ ನಗರ
ಇದು ಜಗತ್ತಿನ ಅತಿ ಶೀತ ನಗರ. ಜನವರಿಯಲ್ಲಿ ಈ ನಗರದ ಉಷ್ಣಾಂಶ -40 ಡಿಗ್ರಿ ಸೆಲ್ಸಿಯಸ್ಗೆ ಇಳಿಯುತ್ತದೆ. ಸೈಬೀರಿಯಾದ ಹವಾಮಾ ಇದ್ದಕ್ಕಿದ್ದಂತೆ ಬದಲಾಗುತ್ತದೆ. ಇಲ್ಲಿನ ವಾರ್ಷಿಕ ಉಷ್ಣಾಂಶವೇ 0.5 ಡಿಗ್ರಿ. ಇನ್ನು ಉತ್ತರ ಭಾಗದಲ್ಲಂತೂ ವರ್ಷಪೂರ್ತಿ ಚಳಿಗಾಲ. ಹೀಗಾಗಿ ಜನರು ದಕ್ಷಿಣದ ಭಾಗದಲ್ಲಿ ವಾಸಿಸುತ್ತಾರೆ. ಮಾಸ್ಕೋದಿಂದ ವ್ಲಾಡಿವೋಸ್ಟಾಕ್ ವರೆಗೆ ರೈಲು ಮಾರ್ಗವಿದ್ದು, ಈ ದಾರಿಯನ್ನು ಕ್ರಮಿಸಲು ರೈಲು ಒಂದು ವಾರ ತೆಗೆದುಕೊಳ್ಳುತ್ತದೆ.
ಸೈಬೀರಿಯಾದಲ್ಲಿ ಹಸ್ಕಿ ತಳಿಯ ನಾಯಿಗಳು ತುಂಬಾ ಫೇಮಸ್. ರಷ್ಯಾದ ಉತ್ತರ ಭಾಗದಲ್ಲಿ ಈ ನಾಯಿಗಳ ಸಂತತಿ ಕಂಡು ಬರುತ್ತವೆ. ಇಂತಹ ಚಳಿಯ ವಾತಾವರಣದಲ್ಲೂ ಇವು ಬದುಕಬಲ್ಲವು.
ಪ್ರಸಿದ್ಧ ಪ್ರವಾಸಿ ತಾಣ
ಇಂದು ಸೈಬೀರಿಯಾ ವಿಶ್ವದ ಪ್ರಸಿದ್ಧ ಪ್ರವಾಸಿ ತಾಣವಾಗಿ ರೂಪಾಂತರಗೊಂಡಿದೆ. ಇಲ್ಲಿ ನೈಸರ್ಗಿಕ ಸೌಂದರ್ಯವನ್ನು ಅನುಭವಿಸಲು ಸಾವಿರಾರು ಪ್ರವಾಸಿಗರು ಸೈಬೀರಿಯಾಕ್ಕೆ ಬರುತ್ತಾರೆ.
No comments:
Post a Comment