ಜೀವ ವೈವಿಧ್ಯದ ಪಶ್ಚಿಮ ಘಟ್ಟ

ಜಗತ್ತಿನ ಅತಿದೊಡ್ಡ ಪರ್ವತ ಶ್ರೇಣಿ ಸಹ್ಯಾದ್ರಿಯ ಪಶ್ಚಿಮ ಘಟ್ಟಗಳು. ದಕ್ಷಿಣ ಭಾರತದ ಉತ್ತರ-ದಕ್ಷಿಣವಾಗಿ 1600 ಕಿ.ಮೀ. ಹಬ್ಬಿರುವ ಭವ್ಯ ಹಾಗೂ ವಿಹಂಗಮ ಪರ್ವತ ಶ್ರೇಣಿ. ದಖ್ಖನ್ ಫೀಠಭೂಮಿಯ ಪಶ್ಚಿಮ ಅಂಚಿನ ಉದ್ದಕ್ಕೂ ಹಬ್ಬಿರುವ ಇವು ಮಹಾರಾಷ್ಟ್ರ, ಗೋವಾ, ಕರ್ನಾಟಕ, ಕೇರಳ ಮತ್ತು ತಮಿಳುನಾಡನ್ನು ವ್ಯಾಪಿಸಿಕೊಂಡಿವೆ. ಒಟ್ಟು ಪರ್ವತ ಶ್ರೇಣಿಯ ಅರ್ಧಕ್ಕಿಂತಲೂ ಹೆಚ್ಚುಭಾಗ ಕರ್ನಾಟಕದಲ್ಲಿಯೇ ಇದೆ ಎನ್ನುವುದು ವಿಶೇಷ.

ಮಳೆ ಸುರಿಸುವ ಕಾಡು:
ಭಾರತದಲ್ಲಿ ಅತಿಹೆಚ್ಚು ಮಳೆ ಬೀಳುವ ಪ್ರದೇಶಗಳಲ್ಲಿ ಪಶ್ಚಿಮ ಘಟ್ಟಗಳೂ ಒಂದು. ಪಶ್ಚಿಮ ಘಟ್ಟದ ಕಾಡುಗಳು ದಕ್ಷಿಣ ಭಾರತಕ್ಕೆ ಮಳೆ ನೀಡುವ ಕಾಡು ಎಂದೇ ಪರಿಗಣಿಸಲ್ಪಟ್ಟಿದೆ. ಜೂನ್ನಿಂದ ಸೆಪ್ಟೆಂಬರ್ವರೆಗಿನ ಮಳೆಗಾಲದಲ್ಲಿ 3000ದಿಂದ 4000 ಮಿಲಿಮೀಟರ್ ಸರಾಸರಿ ಮಳೆ ಬೀಳುತ್ತದೆ. 1200 ಮೀಟರ್ ಎತ್ತರದ ಪಶ್ಚಿಮ ಘಟ್ಟವು ಮಳೆ ಉಂಟುಮಾಡುವ ಮಾರುತಗಳನ್ನು ತಡೆಯುವುದರಿಂದ ಈ ಪ್ರದೇಶವು ಸಹಜವಾಗಿಯೇ ಹೆಚ್ಚು ಮಳೆ ಪಡೆಯುವ ಪ್ರದೇಶವೆನಿಸಿದೆ. ನೈಋತ್ಯ ಮುಂಗಾರು ಘಟ್ಟಗಳು ಮತ್ತು ಅವುಗಳ ಪಶ್ಚಿಮ ಅಂಚಿನ ಪ್ರದೇಶದಲ್ಲಿ ಭಾರೀ ಮಳೆ ಸುರಿಸುತ್ತದೆ. ಈ ಪ್ರಕ್ರಿಯೆಯಿಂದಾಗಿ ಪಶ್ಚಿಮಘಟ್ಟ ಸದಾ ಹಸಿರಿನಿಂದ ಕೂಡಿರುತ್ತದೆ. ದೇಶದ ಹವಾಮಾನವನ್ನು ಸುಸ್ಥಿತಿಯಲ್ಲಿಡಲು ಪಶ್ಚಿಮ ಘಟ್ಟ ಪ್ರಮುಖ ಪಾತ್ರ ನಿರ್ವಹಿಸುತ್ತಿದೆ. ಅನೇಕ ಗಿಡ ಮೂಲಿಕೆ ಮತ್ತು ಔಷಧಿಯ ಸಸ್ಯಗಳಿಗೂ ಪಶ್ಚಿಮ ಘಟ್ಟ ಹೆಸರುವಾಸಿ.  

ಕೊಂಕಣ, ಕೆನರಾ, ಮಲಬಾರ್:
ಅರಬ್ಬೀ ಸಮುದ್ರಕ್ಕೆ ಚಾಚಿಕೊಂಡಿರುವ ಕರಾವಳಿಯ ಉತ್ತರ ಭಾಗದ ಗೋವಾ ಮತ್ತು ಕಾರವಾರ ಕೊಂಕಣ ಪ್ರದೇಶವೆಂದು ಪ್ರಸಿದ್ಧಿ ಪಡೆದಿದೆ. ಮಧ್ಯದಭಾಗ ಕೆನರಾ ಮತ್ತು ದಕ್ಷಿಣ ಭಾಗವು ಮಲಬಾರ್ ಪ್ರಾಂತವೆಂದು ಕರೆಯಲ್ಪಟ್ಟಿದೆ.

ನದಿ, ಜಲಪಾತಗಳ ಆಗರ:
ಕಾವೇರಿ, ಕೃಷ್ಣಾ, ಗೋದಾವರಿ, ತಾಮ್ರಪರ್ಣಿ ದೊಡ್ಡ ನದಿಗಳೆನಿಸಿದ್ದು ಪೂರ್ವಾಭಿಮುಖವಾಗಿ ಹರಿದು ಬಂಗಾಳಕೊಲ್ಲಿಯನ್ನು ಸೇರುತ್ತದೆ.  ಪಶ್ಚಿಮಕ್ಕೆ ಹರಿಯುವ ನದಿಗಳು ಉದ್ದದಲ್ಲಿ ಕಡಿಮೆಯಾಗಿದ್ದು, ರಭಸವಾಗಿ ಹರಿದು ಅರಬ್ಬೀ ಸಮುದ್ರವನ್ನು ಸೇರುತ್ತದೆ. ಅವುಗಳಲ್ಲಿ ಪ್ರಮುಖವಾದವುಗಳೆಂದರೆ ಶರಾವತಿ, ನೇತ್ರಾವತಿ, ಮಾಂಡವಿ, ಜುವಾರಿ, ಅಘನಾಶಿನಿ ಇತ್ಯಾದಿ. ಈ ನದಿಗಳು ವಿದ್ಯುತ್ ಯೋಜನೆಗಳಿಗೆ ನೆಲೆಯಾಗಿವೆ. ಇವುಗಳಿಗೆ ಅಡ್ಡವಾಗಿ ಕೊಯ್ನಾ, ಲಿಂಗನಮಕ್ಕಿ, ಪರಂಬಿಕುಲಂ, ಕೊಪೋಲಿ ಅಣೇಕಟ್ಟುಗಳನ್ನು ನಿರ್ಮಿಸಲಾಗಿದೆ. ಪಶ್ಚಿಮ ಘಟ್ಟದಲ್ಲಿ ಸುರಿಯುವ ಭಾರೀ ಮಳೆಯು ಜೋಗ, ಶಿವನ ಸಮುದ್ರ, ಉಂಚಳ್ಳಿ ಕುಂಚಿಕಲ್ ಮುಂತಾದ ವಿಶ್ವಪ್ರಸಿದ್ಧಿ ಜಲಪಾತಗಳನ್ನು ಸೃಷ್ಟಿಸಿವೆ.

ಗಿರಿ ಕಂದರಗಳ ಒಡಲು:
ಕೆಮ್ಮಣ್ಣುಗುಂಡಿ,  ಕೊಡಚಾದ್ರಿ, ಕುದುರೆಮುಖ, ಮಹಾಬಲೇಶ್ವರ, ಸೋನ್ ಸಾಗರ್, ಮುಳ್ಳಯ್ಯನಗಿರಿ, ಆನೈಮುಡಿ ಮುಂತಾದ ಗಿರಿಶಿಖರಗಳನ್ನು ಪಶ್ಚಿಮ ಘಟ್ಟ ತನ್ನ ಸೌಂದರ್ಯದ ಒಡಲಲ್ಲಿ ತುಂಬಿಕೊಂಡಿದೆ. ಊಟಿ, ಕೊಡೈಕೆನಾಲ್, ಬೆರಿಜಂ ಮುಂತಾದ ತಂಪನೆಯ ಪ್ರದೇಶಗಳಿಗೆ ಹೆಸರು ಪಡೆದಿದೆ.

ಅಪರೂಪದ ಪ್ರಾಣಿ ಸಂಕುಲ:
ಪಶ್ಚಿಮ ಘಟ್ಟ ಸಾವಿರಾರು ತಳಿಯ ಪ್ರಾಣಿಗಳಿಗೆ ನೆಲೆಯಾಗಿದ್ದು, ಜಾಗತಿಕವಾಗಿ ವಿನಾಶದ ಅಂಚಿನಲ್ಲಿರುವ 325 ತಳಿಯ ಪ್ರಾಣಿಗಳನ್ನು ಹೊಂದಿದೆ. 120 ಪ್ರಜಾತಿಗಳಿಗೆ ಸೇರಿದ ಸ್ತನಿ ಪ್ರಾಣಿಗಳಿಗೆ ಪಶ್ಚಿಮ ಘಟ್ಟ ತವರು. ಅವುಗಳಲ್ಲಿ 14 ಪ್ರಾಣಿಗಳು ಕೇವಲ ಇಲ್ಲಿ ಮಾತ್ರವೇ ಕಂಡುಬರುತ್ತದೆ. ಸಲೀಂ ಅಲಿ ಹಣ್ಣುಗಳ ಬಾವಲಿ,  ವ್ರಾಟನ್ಸ್ ಫ್ರೀ ಟೇಲ್ಡ್ ಬಾವಲಿ, ಸಿಂಹ ಬಾಲದ ಸಿಂಗಳೀಕ, ಕಪ್ಪು ಮುಖದ ಲಂಗೂರ, ಮಲಬಾರ್ ಪುನುಗು ಬೆಕ್ಕು, ರಂಜಿನಿ ಹೆಗ್ಗಣ, ಮಲಬಾರ್ ಬಕ, ಮಡ್ರಾಸ್ ಹೆಡ್ಗೆಹಾಗ್ ಉದಾಹರಣೆ ನೀಡಬಹುದಾದ ಕೆಲ ಪ್ರಜಾತಿಗಳು.

ವಿಶ್ವ ಪರಂಪರೆಯ ತಾಣ:
ಪಶ್ಚಿಮ ಘಟ್ಟದಲ್ಲಿ ಕಂಡುಬರುವ ಅಪರೂಪದ ಪ್ರಾಣಿಗಳು ಅರಣ್ಯನಾಶದಿಂದಾಗಿ ಮತ್ತು ಮಳೆಯ ಕೊರತೆಯಿಂದಾಗಿ ವಿನಾಶದ ಅಂಚು ತಲುಪಿವೆ.  ಒಂದು ಕಾಲದಲ್ಲಿ ಹೇರಳವಾಗಿ ಕಂಡುಬರುತ್ತಿದ್ದ ಪ್ರಾಣಿಗಳ ಸಂಖ್ಯೆ ಗಣನೀಯ ಮಟ್ಟದಲ್ಲಿ ಕುಸಿಯುತ್ತಿದೆ. ಇದನ್ನು ತಪ್ಪಿಸುವ ಸಂಬಂಧ. ಜುಲೈ 1, 2012ರಂದು ಈ  ಪಶ್ಚಿಮ ಘಟ್ಟಗಳನ್ನು ವಿಶ್ವ ಪರಂಪರೆಯ ತಾಣವನ್ನಾಗಿ ಯುನೆಸ್ಕೊ ಘೋಷಣೆ ಮಾಡಿದೆ. 



 

ಮಾನಸ ಸರೋವರ

ಮಾನಸ ಸರೋವರ ಭಾರತ-ನೇಪಾಳ ಗಡಿಯಲ್ಲಿರುವ ಕೈಲಾಸ ಪರ್ವತದಲ್ಲಿದೆ. ಈ ಪ್ರದೇಶ ಚೀನಾದ ಸ್ವಾಯತ್ತ ಟಿಬೇಟ್ನ ಹಿಡಿತಕ್ಕೆ ಒಳಪಟ್ಟಿದೆ. ಇದು ಸಮುದ್ರ ಮಟ್ಟದಿಂದ 14950 ಅಡಿ ಉತ್ತರದಲ್ಲಿದೆ. ಜಗತ್ತಿನಲ್ಲಿಯೇ ಅತ್ಯಂತ ಶುದ್ಧ ನೀರಿಗೆ ಮಾನಸ ಸರೋವರ ವಿಖ್ಯಾತಿ ಪಡೆದಿದೆ. ಮಾನಸ ಸರೊವರ ಹಿಂದುಗಳ ಪವಿತ್ರ ನದಿ. ಇಲ್ಲಿಗೆ ಜೀವನದಲ್ಲಿ ಒಮ್ಮೆಯಾದರೂ ಹೋಗಬೇಕೆಂಬುದು ನಂಬಿಕೆ. ಪುರಾಣಕ್ಕಿಂತಲೂ ಹೆಚ್ಚಾಗಿ ತನ್ನ ನೈಸರ್ಗಿಕ ಸೌಂದರ್ಯಕ್ಕೆ ಮಾನಸ ಸರೋವರ ಪ್ರಸಿದ್ಧಿ.

 

ಯಾತ್ರಾರ್ಥಿಗಳ ಸ್ವರ್ಗ!
ಬ್ರಹ್ಮಪುತ್ರ, ಸಿಂಧು, ಗಂಗಾ, ಸಟ್ಲೆಜ್ ಈ ನಾಲ್ಕು ನದಿಗಳ ಉಗಮ ಸ್ಥಾನವೆನಿಸಿಕೊಂಡಿರುವುದು ಈ ಸರೋವರದ ಹೆಗ್ಗಳಿಕೆ. ಅಲ್ಲದೆ ಇದೊಂದು ಪ್ರಸಿದ್ಧ ಯಾತ್ರಾಸ್ಥಳವಾಗಿದ್ದು, ಪ್ರತಿವರ್ಷ ಲಕ್ಷಾಂತರ ಚಾರಣಿಗರು, ಸಾಹಸಿಗರು, ಧಾರ್ಮಿಕ ವ್ಯಕ್ತಿಗಳು ಮಾನಸ ಸರೋವರ ಯಾತ್ರೆ ಕೈಗೊಳ್ಳುತ್ತಾರೆ. ಮಾನಸ ಸರೋವರದಲ್ಲಿ ಸ್ನಾನ ಮಾಡುವುದರಿಂದ ಮತ್ತು ನೀರನ್ನು ಕುಡಿಯುವುದರಿಂದ ನಮ್ಮ ಪಾಪವೆಲ್ಲವೂ ಪರಿಹಾರವಾಗುತ್ತದೆ ಎನ್ನುವ ನಂಬಿಕೆ ಇದೆ. ಯಾತ್ರಾಥರ್ಿಗಳ ಸ್ವರ್ಗ ಎಂದೇ ಇದನ್ನು ಕರೆಯಲಾಗುತ್ತದೆ.

ಸರೋವರದ ವಿಶೇಷತೆ:
ಈ ಸರೋವರ ಸುಮಾರು 88 ಕಿ.ಮೀ. ಸುತ್ತಳತೆ ಮತ್ತು 90 ಮೀಟರ್  ಆಳವಾಗಿದೆ.  ಚಳಿಗಾಲದಲ್ಲಿ ಇದರ ಮೇಲೈ ಸಂಪೂರ್ಣವಾಗಿ ಹೆಪ್ಪು ಗಟ್ಟಿರುತ್ತದೆ. ಹಿಂದು ಪುರಾಣಗಳ ಪ್ರಕಾರ ಮಾನಸ ಸರೋವರ ಶಿವನ ಆವಾಸ ಸ್ಥಾನ ಎನ್ನುವ ಪ್ರತೀತಿ ಇದೆ. ಅಲ್ಲದೆ ಬೌದ್ಧ ಧರ್ಮೀಯರೂ ಮಾನಸ ಸರೋವರದೊಂದಿಗೆ ಪವಿತ್ರ ಸಂಬಂಧ ಹೊಂದಿದ್ದಾರೆ.

 ಕೈಲಾಸ ಮಾನಸ ಸರೋವರ ಯಾತ್ರೆ:
ಪ್ರತಿ ವರ್ಷ ಜೂನ್ ತಿಂಗಳಿನಲ್ಲಿ (ಹಿಮ ಕಡಿಮೆ  ಇರುವ ತಿಂಗಳನ್ನು ಪರಿಗಣಿಸಿ) ಭಾರತ ಸರ್ಕಾರ "ಕೈಲಾಸ ಮಾನಸ ಸರೋವರ ಯಾತ್ರೆ"  ಆಯೋಜಿಸುತ್ತದೆ. ಇದು ನಾವಿಚ್ಛಿಸಿದಂತೆ ಕೈಗೊಳ್ಳುವ ಯಾತ್ರೆಯಲ್ಲ. ಭಾರತ ವಿದೇಶಾಂಗ ಸಚಿವಾಲಯ "ಇಂಡೋ-ಟಿಬೇಟಿಯನ್ ಬಾರ್ಡರ್ ಪೊಲೀಸ್" (ಐ.ಟಿ.ಬಿ.ಪಿ.) ನೇತೃತ್ವದಲ್ಲಿ ಈ ಯಾತ್ರೆ ನೆರವೇರಿಸಲಾಗುತ್ತದೆ. ಯಾತ್ರೆ ಕೈಗೊಳ್ಳುವವರು ಐ.ಟಿ.ಬಿ.ಪಿ. ಯಿಂದ ಪರೀಕ್ಷೆ ಎದುರಿಸಬೇಕು. ಯಾತ್ರಿಕರ ದೈಹಿಕ ಮಾನಸಿಕ ದೃಢತೆ ಮತ್ತು ಸಾಮಥ್ರ್ಯವನ್ನು ಪರಿಶೀಲಿಸಿ ಯಾತ್ರೆಯ ಸಮಯ ನಿಗದಿ ಪಡಿಸುತ್ತಾರೆ. ಯಾತ್ರೆಯ ಅವಧಿ 38 ದಿನಗಳು. ಯಾತ್ರೆಗೆ ವಿವಿಧ ತಂಡಗಳನ್ನು ರಚಿಸಲಾಗುತ್ತದೆ. ಈ ತಂಡದೊಂದಿಗೆ ಯಾತ್ರಾಥರ್ಿಗಳ ಜತೆ ಭದ್ರತಾ ಸಿಬ್ಬಂದಿ ನುರಿತ ವೈದ್ಯರು ಇರುತ್ತಾರೆ. ಯಾವ ತಂಡದಲ್ಲಿ ಹೋಗಬೇಕು ಎನ್ನುವ ವಿವರವನ್ನು ಕನಿಷ್ಠ 6 ತಿಂಗಳ ಮೊದಲೇ ತಿಳಿಸಲಾಗುತ್ತದೆ. ಯಾತ್ರೆಗೆ ಉಣ್ಣೆಯ ಕವಚ, ರೈನ್ ಕೋಟ್, ಹಿಮಪಾತ ತಡೆಯಬಲ್ಲ ಕೊಡೆ, ಮಂಜಿನ ಹೊಡೆತ ತಡೆಯಬಲ್ಲ ಕನ್ನಡಕ, ವಾಟರ್ ಪ್ರೂಫ್ ಶೂ, ಆಕ್ಸಿಜನ್ ಸಿಲಿಂಡರ್, ನಾಡಿ ಮಿಡಿತ ಪರೀಕ್ಷಿಸುವ ಪಲ್ಸ್ ಮೀಟರ್ ಮುಂತಾದ ಅವಶ್ಯಕ ಸಾಮಗ್ರಿಗಳನ್ನು ಹೊತ್ತೊಯ್ಯಬೇಕು.

ಚೀನಾ ತಕರಾರು: 
ಚೀನಾದ ಸೈನ್ಯ ಟಿಬೇಟನ್ನು ಆಕ್ರಮಿಸಿಸಿಕೊಂಡಿದ್ದರ ಪರಿಣಾಮವಾಗಿ 1949ರಿಂದ 1980ರವರೆಗೆ ವಿದೇಶಿ ಪ್ರವಾಸಿಗರು ಮಾನಸ ಸರೋವರಕ್ಕೆ ಭೇಟಿ ನೀಡುವುದಕ್ಕೆ ನಿಷೇಧ ಹೇರಲಾಗಿತ್ತು. ಬಳಿಕ ಭಾರತೀಯ ಪ್ರವಾಸಿಗರಿಗೆ ಮಾನಸ ಸರೋವರಕ್ಕೆ ತೆರಳಲು ಮುಕ್ತ ಅವಕಾಶ ಕಲ್ಪಿಸಲಾಯಿತು. ಈಗಲೂ ಭಾರತೀಯ ಯಾತ್ರಿಕರಿಗೆ ಚೀನಾದ ತಕರಾರು ಇದ್ದಿದ್ದೇ.

ದುರ್ಗಮ ಹಾದಿ:
ಮಾನಸ ಸರೋವರಕ್ಕೆ ತಲುಪಬೇಕೆಂದರೆ 52 ಕೀ. ಕೈಲಾಸ ಪರ್ವತದ ದುರ್ಗಮ ದಾರಿ ಕ್ರಮಿಸಬೇಕು. ಈ ಯಾತ್ರೆ ಉಳಿದ ಯಾತ್ರೆಯಷ್ಟು ಸುಲಭವಲ್ಲ. ದಿನಕ್ಕೆ ಕನಿಷ್ಠ 10 ಕಿ.ಮೀ. ನಡೆಯುವುದನ್ನು ಅಭ್ಯಾಸಮಾಡಿಕೊಳ್ಳಬೇಕು. ಇಷ್ಟೆಲ್ಲಾ ಸಾಹಸದ ಬಳಿಕ  ಮಾನಸ ಸರೋವರ ತಲುಪಿದ ಬಳಿಕ ಸ್ವರ್ಗವನ್ನೇ ಮುಟ್ಟಿದ ಹಿತಾನುಭವವಾಗುತ್ತದೆ. 2 ರಿಂದ 3ದಿನ ಇಲ್ಲಿ ಉಳಿಯಲು ಅವಕಾಶ ನೀಡಲಾಗತ್ತದೆ. ಸರೋವರದ ಎದುರಿನಲ್ಲಿ ಹಿಮದಿಂದ ಆವೃತವಾದ ಕೈಲಾಸ ಪರ್ವತದ ದರ್ಶನವಾಗುತ್ತದೆ. ತೀರದ ಸುತ್ತಲೂ ಅನೇಕ ದೇವಾಲಯಗಳಿವೆ. 

  



 

ಪ್ಯಾರಿಸ್ ನ ಐಫೆಲ್ ಗೋಪುರ

ಪ್ಯಾರಿಸ್ ನಗರದ ಹೆಗ್ಗುರುತಾಗಿ ಕಳೆದ ನೂರಾರು ವರ್ಷಗಳಿಂದ ಐಫೆಲ್ ಗೋಪುರ ತಲೆಎತ್ತಿ ನಿಂತಿದೆ. 1889ರಲ್ಲಿ ಪ್ಯಾರಿಸಿನಲ್ಲಿ ನಡೆದ ಜಾಗತಿಕ ಮೇಳಕ್ಕಾಗಿ ಐಫೆಲ್ ಗೋಪುರ ನಿರ್ಮಾಣ ಮಾಡಲಾಗಿದೆ. ಇದು ಯುರೋಪಿನ ಕೈಗಾರಿಕಾ ಕ್ರಾಂತಿಯ ಸಂಕೇತವೂ ಹೌದು. ನಗರದ ಮಧ್ಯೆ ಸೀನ್ ನದಿಯ ದಡದ ಮೇಲೆ, ಆಕಾಶಕ್ಕೆ ಚಾಚಿಕೊಂಡಿರುವ ಈ ಗೋಪುರ ಪ್ಯಾರಿಸ್ನ ಎಲ್ಲೇ ನಿಂತು ನೋಡಿದರೂ ಕಾಣಸಿಗುತ್ತದೆ. ಸಂಪೂರ್ಣ ಕಬ್ಬಿಣದಿಂದಲೇ ಮಾಡಲ್ಪಟ್ಟಿರುವುದು
ಈ ಗೋಪುರದ ವಿಶೇಷತೆ. 

ಶತಮಾನೋತ್ಸವ:
ಫ್ರಾನ್ಸ್ ಮಹಾಕ್ರಾಂತಿಯ ಶತಮಾನೋತ್ಸವದ ಸಂಭ್ರಮಾಚರಣೆಗಾಗಿ ನಡೆದ ವಸ್ತುವಿನ್ಯಾಸ ಸ್ಪರ್ಧೆಯಲ್ಲಿ ಅಲೆಕ್ಸಾಡರ್ ಗುಸ್ತಾವ್ ಐಫೆಲ್ ನಿರ್ಮಿಸಿದ ವಿನ್ಯಾಸದ ಮಾದರಿ ಬಹುಮಾನ ಗಳಿಸಿತ್ತು. ಹೀಗಾಗಿ ವಿನ್ಯಾಸಕರ್ತ ಗುಸ್ತಾವ್ ಐಪೆಲ್ ಗೌರವಾರ್ಥ ಇದನ್ನು ಐಫೆಲ್ ಗೋಪುರ ಎಂದು ಹೆಸರಿಸಲಾಗಿದೆ. ನ್ಯೂಯಾರ್ಕ್ ನಲ್ಲಿರುವ ಲಿಬರ್ಟಿ ಪ್ರತಿಮೆಯ ನಿಮಾತೃನೂ  ಈತನೇ ಆಗಿದ್ದಾನೆ. ಇವೆರಡೂ ಶತಮಾನೋತ್ಸವ ಆಚರಿಸಿವೆ.
ಐಫೆಲ್ ಗೋಪುರ 324 ಮೀಟರ್ (1064 ಅಡಿ) ಎತ್ತರವಿದೆ. ಗೋಪುರದ ಮೇಲೆ 20.25 ಮೀಟರ್ ಉದ್ದದ ಟೀವಿ ಟ್ರಾನ್ಸ್ ಮೀಟರ್ ಅಳವಡಿಸಲಾಗಿದೆ. ಅಂದರೆ ಈ ಗೋಪುರ 81 ಅಂತಸ್ತಿನ ಕಟ್ಟಡಕ್ಕೆ ಸಮಾನವಾಗಿ ನಿಲ್ಲುತ್ತದೆ. ಇದರ ಒಟ್ಟು ತೂಕ 10 ಸಾವಿರ ಟನ್ನಷ್ಟಿದ್ದು, 7,500 ಟನ್ ಕಬ್ಬಿಣ ಬಳಕೆ ಮಾಡಲಾಗಿದೆ. 1887 ಜನವರಿ 26ರಂದು ಐಫೆಲ್ ಗೋಪುರ ನಿರ್ಮಾಣ ಕಾರ್ಯ ಆರಂಭವಾಯಿತು. ಇದನ್ನು ಕಟ್ಟಿ ಮುಗಿಸಲು 2 ವರ್ಷ ಆರು ತಿಂಗಳು ಬೇಕಾಯಿತು. ಅನೇಕ ವರ್ಷಗಳ ಕಾಲ ಇದು  ಜಗತ್ತಿನ ಅತ್ಯಂತ ಎತ್ತರದ ಗೋಪುರವಾಗಿತ್ತು.

ಮೂರು ವೀಕ್ಷಣಾ ಅಂತಸ್ತು:
ನಾಲ್ಕು ಕಡೆ ಭಾರೀ ಕಮಾನಿನಾಕಾರದ ಅಸ್ತಿಭಾರದ ಮೇಲೆ ಈ ಗೋಪುರ ನಿಂತಿದೆ. ನಾಲ್ಕುಕಡೆ ಜನರು ನಿಂತು ಪ್ಯಾರಿಸ್ ನಗರದ ಸೌಂದರ್ಯವನ್ನು ಸವಿಯಬಹುದಾಗಿದೆ. ನೆಲದಿಂದ 57 ಮೀಟರ್ ಎತ್ತರದಲ್ಲಿ ಮೊದಲ ಅಂತಸ್ತಿದೆ. 115 ಮೀ. ಎತ್ತರದಲ್ಲಿ ಎರಡನೇ ಅಂತಸ್ತು ಮತ್ತು 247 ಮೀಟರ್ ಎತ್ತರದಲ್ಲಿ ಮೂರನೇ ವೀಕ್ಷಣಾ ಅಟ್ಟಣೆಯನ್ನು ನಿರ್ಮಿಸಲಾಗಿದೆ. ಮೇಲೆರುತ್ತಾ ಹೋದಂತೆ ಚೌಕಟ್ಟು ಕಿರಿದಾಗುತ್ತಾ ಹೋಗುತ್ತದೆ. ಮೇಲೇರಲು ಒಮ್ಮೆಲೆ 63 ಜನರನ್ನು ಒಯ್ಯಬಲ್ಲ ಮೂರು ಲಿಫ್ಟುಗಳಿವೆ. ಹತ್ತುಹೋಗಬೇಕೆಂದರೆ 1269 ಮೆಟ್ಟಿಲುಗಳನ್ನು ಹತ್ತಬೇಕು. ನಿರ್ಮಾಣ ಸಮಯದಲ್ಲಿ 20 ವರ್ಷಗಳ ನಂತರ ಗೋಪುರವನ್ನು ಕಳಚಿಹಾಕಲು ಉದ್ದೇಶಿಸಲಾಗಿತ್ತು. ಈ ಮಧ್ಯೆ ಮೊದಲನೇ ಮಹಾಯುದ್ಧ ಆರಂಭವಾಯಿತು. ಇದರಿಂದ ಐಫೆಲ್ ಗೋಪುರ ಮಿಲಿಟರಿ ಸಂಪರ್ಕ ಕೇಂದ್ರವಾಗಿ ಸಹಾಯಕವಾಯಿತು ಹೀಗಾಗಿ ಅದನ್ನು ಕಳಚಿಹಾಕುವ ಪ್ರಶ್ನೆಯೇ ಬರಲಿಲ್ಲ. ಬಳಿಕ ನೂರಕ್ಕೂ ಹೆಚ್ಚು ವರ್ಷಗಳ ಕಾಲ ತಲೆಎತ್ತಿನಿಂತ ಹೆಗ್ಗಳಿಕೆಗೆ ಪಾತ್ರವಾಯಿತು.

ರಾಷ್ಟ್ರೀಯ ಸ್ಮಾರಕ:
1967ರಲ್ಲಿ ಐಫೆಲ್ ಗೋಪುರವನ್ನು ರಾಷ್ಟ್ರೀಯ ಸ್ಮಾರಕ ಎಂದು ಘೋಷಿಸಲಾಗಿದೆ. ಫ್ರೆಂಚರಿಗೆ ಐಫೆಲ್ ಗೋಪುರದ ಬಗ್ಗೆ ಅಪಾರ ಅಭಿಮಾನ. ಪ್ಯಾರಿಸ್ನಲ್ಲಿ ನಡೆಯುವ ಉತ್ಸವಗಳ ಸಮಯದಲ್ಲಿ ಐಫೆಲ್ ಗೋಪುರಕ್ಕೆ ದೀಪಾಲಂಕಾರ ಮಾಡಲಾಗುತ್ತದೆ. ದೀಪಾಲಂಕಾರಗೊಂಡ ರಾತ್ರಿ ಸುಮಾರು 40 ಕಿ.ಮೀ.ಆಚೆಗೂ ಇದರ ಬೆಳಕು ಪಸರಿಸುತ್ತಾ ಚಿನ್ನದ ಆಕಾರದಲ್ಲಿ ಹೊಳೆಯುತ್ತದೆ. ಪ್ರತಿ 7 ವರ್ಷಕ್ಕೊಮ್ಮೆ ಗೋಪುರಕ್ಕೆ ಬಣ್ಣ ಬಳಿಯಲಾಗುತ್ತದೆ. ಇದಕ್ಕಾಗಿ 50 ಟನ್ ಬಣ್ಣ ಬೇಕಾಗುತ್ತದೆ.

ಪ್ರಸಿದ್ಧ ಪ್ರವಾಸಿತಾಣ: 
ಐಫೆಲ್ ಗೋಪುರ ವಿಶ್ವದಲ್ಲಿಯೇ ಪ್ರಸಿದ್ಧ ಪ್ರವಾಸಿತಾಣಗಳಲ್ಲಿ  ಒಂದೆನಿಸಿದೆ. ಲಕ್ಷಾಂತರ ಪ್ರವಾಸಿಗರು ಇದರ ವೀಕ್ಷಣೆಗೆ ಆಗಮಿಸುತ್ತಾರೆ. ಇದುವರೆಗೆ ಸುಮಾರು ಒಂದು ಕೋಟಿಗೂ ಅಧಿಕ ಪ್ರವಾಸಿಗರು ಈ ಗೋಪುರವನ್ನು ವೀಕ್ಷಿಸಿದ್ದಾರೆ.

ಈಜಿಪ್ಟ್ ನ ಭವ್ಯ ಪಿರಮಿಡಗಳು

ಎಲ್ಲರೂ ಕಾಲಕ್ಕೆ ಹೆದರಿದರೆ, ಕಾಲವೇ ಪಿರಮಿಡ್ ಗೆ ಅಂಜುತ್ತದೆ ಎನ್ನುವ ಗಾದೆ ಮಾತಿದೆ. ಕಳೆದ ಸುಮಾರು  5000 ವರ್ಷಗಳಿಂದ ಪ್ರಕೃತಿಯ ಎಲ್ಲ ರೀತಿಯ ಪ್ರಕೋಪಗಳನ್ನು ಸಹಿಸಿಕೊಂಡು ನಿಂತಿರುವ ಈ ಭವ್ಯ ಗೋಪುರಗಳು ಅಂದಿನ ಕಾಲದ ಚಕ್ರರ್ತಿಗಳ, ಸಾಮ್ರಾಜ್ಯಶಾಹಿಗಳ ಸಮಾಧಿಗಳಾಗಿವೆ. ಕ್ರಿ.ಪೂ. 2630 ರಿಂದ ಕ್ರಿ.ಪೂ. 1530ರ ಅವಧಿಯಲ್ಲಿ ಈ ಸ್ಮಾರಕಗಳು ನಿಮರ್ಮಾಣಗೊಂಡಿವೆ ಎಂದು ಹೇಳಲಾಗಿದೆ. ಇದರ ಚೌಕಾಕಾರದ ತಳ, ತ್ರಿಕೋಣಾಕಾರದ ಪಾಶ್ರ್ವಗಳು ಮೇಲಕ್ಕೆ ಹೋದಂತೆ ಕಿರಿದಾಗುತ್ತಾಹೋಗಿ ಒಂದುಗೂಡಿ ಪಿರಮಿಡ್ ಗಳಾಗಿವೆ. 

ಈಜಿಪ್ಟ್ ಪಿರಮಿಡ್ ಇತಿಹಾಸ:
ಈಜಿಪ್ಟ್ ಪಿರಮಿಡ್ಗಳ ನಗರ ಎಂದು ಹೆಸರಾಗಿದೆ. ಈಜಿಪ್ಟನಲ್ಲಿ ಸುಮಾರು 138 ಪಿರಮಿಡ್ ಗಳನ್ನು ಸಂಶೊಧಿಸಲಾಗಿದೆ. ಸಕ್ಕಾರದಲ್ಲಿರುವ ಮೆಟ್ಟಿಲಿನ ಪಿರಮಿಡ್ ಅತ್ಯಂತ ಪುರಾತನವೆನಿಸಿದ್ದು, ಕ್ರಿ. ಪೂ.2650ರಲ್ಲಿ ಇದು ನಿಮರ್ಮಾ ಣಗೊಂಡಿರಬಹುದೆಂದು ಹೇಳಲಾಗಿದೆ. ಸಕ್ಕಾರ್ ಪಿರಮಿಡ್ 62 ಮೀ. ಎತ್ತರವಿದೆ. ಎಲ್-ಗಿಜಾ ಎಂಬ ಪ್ರದೇಶದ ಸಮೀಪ ಅತ್ಯಂತ ಪ್ರಸಿದ್ಧವಾದ ಹಾಗೂ ಮೂರು ಪಿರಮಿಡ್ ಗಳಿವೆ. ಗೀಜಾ ಪಿರಮಿಡ್ಗಳು ಈಜಿಪ್ಟಿನ ಫ್ಲಾರೋ ದೊರೆಗಳ ಭವ್ಯತೆ ಮತ್ತು ಶಕ್ತಿ ಸಾಹಸಗಳ ಕುರುಹುಗಳೆಂದು ಪರಿಗಣಿಸಲಾಗಿದೆ. ಕ್ರಿ.ಪೂ. 2590ರಲ್ಲಿ ನಿಮರ್ಮಾಣಗೊಂಡ ಖುಫು ಪಿರಮಿಡ್ ಪುರಾತನ ಜಗತ್ತಿನ ಏಳು ಅದ್ಭುತಗಳಲ್ಲಿ ಒಂದು ಎಂದು ಪರಿಗಣಿಸಲ್ಪಟ್ಟಿದೆ. ಒಟ್ಟು 12 ಎಕರೆ ವಿಸ್ತೀರ್ಣವಿರುವ ಇದು ನಿರ್ಮಾಣಗೊಂಡಾಗ 147 ಮೀಟರ್ ಎತ್ತರವಿತ್ತು. ಆ ರಾಜನ ತರುವಾಯ ಪಟ್ಟಕ್ಕೆ ಬಂದ ಆತನ ಮಗ ಅದರ ಸಮೀಪದಲ್ಲಿಯೇ ತನಗಾಗಿ ಇನ್ನೊಂದು ಪಿರಮಿಡ್ ನಿರ್ಮಿಸಿಕೊಂಡ. ಅದರ ಎತ್ತರ 136 ಮೀ. ಮುಂದೆ ಪಟ್ಟಕ್ಕೆ ಬಂದ ರಾಜನೂ ಅಲ್ಲಿಯೇ 73 ಮೀ. ಎತ್ತರದ ಇನ್ನೊಂದು ಪಿರಮಿಡ್ ನಿಮರ್ಮಿಸಿಕೊಂಡ.

ನಿಮರ್ಮಾಣಗೊಂಡಿದ್ದು ಯಾಕೆ?
ರಾಜ ಅಥವಾ ರಾಣಿ ಸಾವಿಗೀಡಾದರೆ ಅವರ ದೇಹವನ್ನು  ಕೆಡದಂತೆ ಸಂರಕ್ಷಿಸುವುದು ಈಜಿಪ್ಟ್ನ ಸಂಪ್ರದಾಯವಾಗಿತ್ತು. ರಾಜ ಮತ್ತು ರಾಣಿಯರ ಮೃತದೇಹಗಳನ್ನು ಇಡುವ ಸಮಾಧಿಯಾಗಿ ಈ ಪಿರಮಿಡ್ಗಳನ್ನು  ನಿರ್ಮಿಸಲಾಗಿದೆ. ಮೃತ ಸಾಮ್ರಾಜ್ಯಶಾಹಿಗಳ ಆತ್ಮವನ್ನು ಪೋಷಿಸುವ ಸಲುವಾಗಿ ಪೂಜಾರಿಗಳು ಕ್ರಿಯಾವಿಧಿಗಳನ್ನು ಪೂರೈಸುತ್ತಿದ್ದರು. ಹೀಗೆ ಮಾಡುವುದರಿಂದ ಆತ್ಮ ದೇಹವನ್ನು ಬಿಟ್ಟುಹೋಗುವುದಿಲ್ಲ ಎಂದು ನಂಬಲಾಗಿತ್ತು. 

ಪಿರಮಿಡ್ ಕಟ್ಟಿದ್ದು ಹೇಗೆ?
ರಾಜರು ದೃಢಕಾಯರಾಗಿದ್ದಾಗಲೇ ಅವರಿಗಾಗಿ ಪಿರಮಿಡ್ ನಿರ್ಮಾಣ ಪ್ರಾರಂಭವಾಗುತ್ತಿತ್ತು. ಪಿರಮಿಡ್ ಗಳಿಗೆ ಬಳಸಲಾಗಿರುವ ಸಣ್ಣಕಲ್ಲು ಮತ್ತು ಬೆಣಚುಕಲ್ಲಿನ ದಿಂಡುಗಳು ಪ್ರತಿಯೊಂದು ಮೂರರಿಂದ 15 ಟನ್ ಭಾರದವು. ಇಷ್ಟು ಭಾರದ ದಿಂಡುಕಲ್ಲುಗಳನ್ನು ಬಹಳ ದೂರದ ಕಲ್ಲುಗಣಿಯಿಂದ ನೈಲ್ ನದಿಯಲ್ಲಿ ಸಾಗಿಸಿತಂದು ಪಿರಮಿಡ್ ನಿರ್ಮಾಣ ಸ್ಥಳಕ್ಕೆ ಗಾಡಿಗಳ ಮೂಲಕ ಸಾಗಿಸಿರಬಹುದೆಂದು ಹೇಳಲಾಗಿದೆ. ಈ ಬ್ರಹತ್ ಪಿರಮಿಡ್ ಗಳನ್ನು ನಿರ್ಮಿಸಲು ಎಷ್ಟು ವರ್ಷ  ತೆಗೆದುಕೊಂಡಿರಬಹುದು. ಅಷ್ಟೊಂದು ಭಾರದ ಕಲ್ಲುಗಳನ್ನು ಹೇಗೆ ಮೇಲಕ್ಕೆ ಎತ್ತಿದರು ಎನ್ನುವುದು ಇಂದಿಗೂ ರಹಸ್ಯವಾಗಿಯೇ ಉಳಿದಿದೆ.

ಪಿರಮಿಡ್ ನ ಒಳರಚನೆ: 
ಇವುಗಳ ಒಳರಚನೆ ಅತ್ಯಂತ ಸಂಕೀರ್ಣವಾಗಿದೆ. ಪಿರಮಿಡ್ ನ ಉತ್ತರ ದಿಕ್ಕಿನ ಮಧ್ಯಭಾಗದಲ್ಲಿ ಪ್ರವೇಶದ್ವಾರವಿರುತ್ತದೆ. ಅಲ್ಲಿಂದ ಒಳಗೆ ಹೋಗಲು ಅನೇಕ ದಾರಿಗಳಿದ್ದು, ಒಂದು ದಾರಿ ರಾಜನ ಪ್ರಧಾನ ಸಮಾಧಿ ಕೋಣೆಗೆ ಸಂಪರ್ಕ ಕಲ್ಪಿಸುತ್ತದೆ. ರಾಜನ ಸಮಾಧಿಕೋಣೆ ಪಿರಮಿಡ್ ನ ಕೇಂದ್ರ ಬಿಂದುವಿನ ತಳಭಾಗದಲ್ಲಿ ನಿರ್ಮಾಣಗೊಂಡಿರುತ್ತದೆ. ಇದಲ್ಲದೆ ಪಿರಮಿಡ್ ರಾಣಿಯ ಸಮಾಧಿ ಮತ್ತು ಪೂಜಾ ಸಾಮಗ್ರಿಗಳನ್ನು ಇರಿಸುವ ಕೋಣೆ, ವಿಶಾಲವಾದ ಮಂಟಪಗಳನ್ನು ಒಳಗೊಂಡಿದ್ದು, ಇವುಗಳನ್ನು  ತಲುಪಲು ಪ್ರತ್ಯೇಕ ದಾರಿಗಳಿವೆ. ಕೋಣೆಗಳ ಒಳಗೆ ಸ್ಥಂಬಗಳು, ಗೋಡೆಗಳ ಮೇಲೆ ವರ್ಣ  ಚಿತ್ರಗಳು ಪುರಾತನ ಚಿತ್ರಲಿಪಿಯಲ್ಲಿರುವ ಸೂಚನೆ ಸಂಕೇತಗಳು, ಭವ್ಯ ವಿಗ್ರಹಗಳನ್ನು ಇರಿಸಲಾಗಿದೆ. ಇಲ್ಲಿನ ವಸ್ತುಗಳನ್ನು ಯಾರೂ ಕದಿಯದಂತೆ ಮಾರ್ಗದ ಮಧ್ಯೆ ತಡೆಗಳನ್ನು  ಇರಿಸಲಾಗಿದೆ. ಪಿರಮಿಡ್ ಇಷ್ಟೊಂದು ಸುರಕ್ಷಿತವಾಗಿದ್ದರೂ, ಕಳ್ಳರು ಇಲ್ಲಿನ ಅಮೂಲ್ಯ ವಸ್ತುಗಳನ್ನು ಹೊತ್ತೊಯ್ದಿದ್ದಾರೆ.
 

ಸಹರಾ ಎಂಬ ಮರಳುಗಾಡು!

ಸುಡುವ ಬಿಸಿಲಿಗೆ ಇನ್ನೊಂದು ಹೆಸರು ಸಹರಾ ಮರುಭೂಮಿ. ಜಗತ್ತಿನ ಅತ್ಯಂತ ಬಿಸಿಲಿನ ಪ್ರದೇಶ ಎಂದು ಕರೆಸಿಕೊಂಡಿರುವ ಸಹರಾ ವರ್ಷಪೂರ್ತಿ ಮಳೆಯನ್ನೇ ಕಾಣದ ಮರಳುಗಾಡು. ಸುಮಾರು 9,400,000 ಚದರ್ ಕಿ. ಮೀಟರ್ ವಿಸ್ತೀರ್ಣ ಹೊಂದಿರುವ ಜಗತ್ತಿನ ಎರಡನೇ ದೊಡ್ಡ ಮರುಭೂಮಿ. ವಿಚಿತ್ರವೆಂದರೆ ಜಗತ್ತಿನ ಅತ್ಯಂತ ಉದ್ದದ ನದಿ ಎಂದು ಹೆಸರಾದ ನೈಲ್ ನದಿ ಹರಿಯುವುದು ಇದೇ ಸಹರಾ ಮರುಭೂಮಿಯಲ್ಲಿ!

ಸಮುದ್ರವಿದ್ದರೂ ಮರುಭೂಮಿ
ಸಹರಾ ಮರುಭೂಮಿಗೆ ಸುಮಾರು 30 ಲಕ್ಷ ವರ್ಷಗಳಷ್ಟು ಇತಿಹಾಸವಿದೆ. ಉತ್ತರ ಆಫ್ರಿಕಾದ ಬಹುತೇಕ ಭಾಗವನ್ನು ಸಹರಾ ಮರುಭೂಮಿ ಆಕ್ರಮಿಸಿಕೊಂಡಿದೆ. ಕೆಂಪು ಸಮುದ್ರ, ಮೆಡಿಟರೇನಿಯನ್ ಸಮುದ್ರ ದಂಡೆ ಮತ್ತು ಅಟ್ಲಾಂಟಿಕ್ ಸಮುದ್ರದಿಂದ ಸುತ್ತುವರಿಯಲ್ಪಟ್ಟಿದ್ದರೂ ಸಹರಾ ಮಾತ್ರ ಮರುಭೂಮಿಯಾಯೇ ಉಳಿದಿದೆ. ಇಲ್ಲಿ ವರ್ಷದಲ್ಲಿ ಬೀಳುವ ಮಳೆಯ ಪ್ರಮಾಣ 20 ಮಿಲಿ ಮೀಟರ್ಗಿಂತಲೂ ಕಡಿಮೆ. ಕೆಲವು ಪ್ರದೇಶದಲ್ಲಿ 10 ಮಿಲಿ ಮೀಟರ್ನಷ್ಟೂ ಮಳೆಯಾಗುವುದಿಲ್ಲ. ಆದರೂ ಇಲ್ಲಿ ಕೆಲವು ಪ್ರದೇಶದಲ್ಲಿ ಜನವಸತಿ ಇದೆ. ಬೆರ್ಬರ್ ಜನಾಂಗದವರು ಇಲ್ಲಿ ಅನಾದಿಕಾಲದಿಂದಲೂ ವಾಸವಾಗಿದ್ದಾರೆ. ಸಹರಾ ಮರುಭೂಮಿಯಲ್ಲಿ ಒಟ್ಟು 20 ಲಕ್ಷ ಜನರಿದ್ದಾರೆ. ಅರೆಬಿಕ್ ಅತಿ ಹೆಚ್ಚಾಗಿ ಮಾತನಾಡುವ ಭಾಷೆ.

ಹವಾಮಾನ ವೈಪರಿತ್ಯ:
ಸಹರಾ ಮರುಭುಮಿಯ ಇನ್ನೊಂದು ವಿಶೇಷವೆಂದರೆ ಹಗಲಿನಲ್ಲಿ ವಿಪರೀತ ಬಿಸಿಲಿದ್ದರೆ, ರಾತ್ರಿಯಲ್ಲಿ ಚಾದರ ಹೊದ್ದು ಮಲಗುವಷ್ಟು ಚಳಿ ಇರುತ್ತದೆ. ಬೇಸಿಗೆಯ ಹಗಲಿನಲ್ಲಿ ಸರಾಸರಿ 50 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶವಿರುತ್ತದೆ. ರಾತ್ರಿಯಾಗುತ್ತಿದ್ದಂತೆ ತಾಪಮಾನ 0 ಡಿಗ್ರಿಗೆ ಕುಸಿದುಬಿಡುತ್ತದೆ.ಸಹರಾದ ಮಧ್ಯಭಾಗ ಅತ್ಯಂತ ಶುಷ್ಕ ಪ್ರದೇಶ. ಇಲ್ಲಿ ಮರಗಿಡಗಳು ತೀರಾ ಕಡಿಮೆ. ಅತ್ಯಂತ ಒರಟಾದ ಹವಾಮಾನ ಸಹರಾ ಮರುಭೂಮಿಯದ್ದು. ಇಂತಹ ಸುಡುವ ಸಹರಾದಲ್ಲಿಯೂ ಕೂಡಾ 500 ಜಾತಿಯ ಸಸ್ಯಗಳು ಬೆಳೆಯುತ್ತವೆ.  ಇಲ್ಲಿನ ವಿಷಮ ವಾತಾವರಣಕ್ಕೆ ಹೊಂದಿಕೊಳ್ಳುವ ಪ್ರಾಣಿಗಳು ಸಹ ಇಲ್ಲಿವೆ. ಒಂಟೆ ಹಾಗೂ ಮೇಕೆ ಇಲ್ಲಿನ ಪ್ರಮುಖ ಪ್ರಾಣಿಗಳು. ಅಲ್ಲದೆ ಸಹರಾ ಚೀತ್, ಮರಳು ವೈಪರ್ಸ್, ಚೇಳು, ಹಲ್ಲಿಗಳು ಇಲ್ಲಿ ಕಾಣಸಿಗುತ್ತವೆ.

ಮರಳಿನ ಸುಂಟರಗಾಳಿ:
ಇಲ್ಲಿ ಆಗಾಗ ಮರಳಿನ ಸುಂಟರಗಾಳಿ ಬೀಸುತ್ತದೆ. ಇದರ ಪ್ರಭಾವ ಎಷ್ಟಿರುತ್ತೆ ಅಂದರೆ, ಇಲ್ಲಿ ಬೀಸುವ ಬಿರುಗಾಳಿಯು ಕೆಲವು ಪ್ರದೇಶಗಳ ಚಿತ್ರಣವನ್ನೇ ಬದಲಾಯಿಸಿಬಿಡುತ್ತದೆ. ಕೆಲವೊಮ್ಮೆ ಸಹರಾ ಮರುಭೂಮಿಯ ಮರಳಿನ ಕಣಗಳು ಬ್ರಿಟನ್ ಮತ್ತು ಜರ್ಮನಿಯ ವರೆಗೆ ಗಾಳಿಯ ಮೂಲಕ ತಲುಪುತ್ತವೆ. ಬಿರುಗಾಳಿ ಸಮಯದಲ್ಲಿ ವಿಚಿತ್ರವಾದ ಶಬ್ದ ಸೃಷ್ಟಿಯಾಗುತ್ತದೆ.

ಸಂಪೂರ್ಣ ಮರುಳುಗಾಡಲ್ಲ:
ಬಹುತೇಕ ಮಂದಿ ನಂಬಿರುವಂತೆ ಇದು ಸಂಪೂರ್ಣ ಮರಳುಗಾಡಲ್ಲ. ಇಲ್ಲಿ ನೂರಾರು ಮೈಲಿ ಭೂ ಪ್ರದೇಶ, ವಿಶಾಲವಾದ ಕಲ್ಲಿನ ಪ್ರಸ್ಥಭೂಮಿ, ಜಲ್ಲಿ ಕಲ್ಲಿನ ಬಯಲು ಪ್ರದೇಶ, ಒಣ ಕಣಿವೆಗಳು, ಬಯಲು ಪ್ರದೇಶಗಳಿವೆ. ಕೆಲವು ಕಡೆ ಅಂತರ್ಜಲವೂ ಲಭ್ಯವಿದೆ. ಅಷ್ಟೇಅಲ್ಲ ಓಯಾಸಿಸ್ಗಳಿಗೂ ಹೆಸರುವಾಸಿ. ಸಹರಾ ಮರುಭುಮಿಯ ಅತ್ಯಂತ ಎತ್ತರದ ಶಿಖರ ಎಮಿ ಕೋಸಿ, ಇದು 3,415 ಮೀಟರ್ ಎತ್ತರವಾಗಿದೆ.

ವಿಸ್ತೀರ್ಣ ಹೆಚ್ಚುತ್ತಿದೆ:
ಇಲ್ಲಿನ ಕೆಲವು ಮರಳಿನ ದಿಬ್ಬಗಳು 180 ಮೀಟರ್ವರೆಗೆ ಎತ್ತರವಾಗಿರುತ್ತವೆ. ಸಹರಾ ಮರುಭೂಮಿಯ ವಿನ್ಯಾಸ ಆಗಾಗ ಬದಲಾಗುತ್ತಿರುತ್ತದೆ. ಸಹರಾ ವಿಸ್ತೀರ್ಣದಲ್ಲಿ ಆಗುತ್ತಿರುವ ಬದಲಾವಣೆಗಳನ್ನು ವಿಜ್ಞಾನಿಗಳು ಉಪಗ್ರಹ ಚಿತ್ರದ ಮೂಲಕ ಅಧ್ಯಯನ ಮಾಡುತ್ತಿದ್ದಾರೆ. ಕೆಲವು ಕಡೆ  ಸಹರಾದ ವಿಸ್ತೀರ್ಣ ಕಡಿಮೆಯಾಗುತ್ತಿದ್ದು, ಇನ್ನು ಕೆಲವು ಕಡೆ ಮರುಭೂಮಿ ತನ್ನ ವಿಸ್ತೀರ್ಣ ಹಿಗ್ಗಿಸಿಕೊಳ್ಳುತ್ತಿದೆ.
 

ಅಂಟಾರ್ಕ್ಟಿಕ ಎಂಬ ಹಿಮದ ರಾಶಿ!

 ಅಂಟಾರ್ಕ್ಟಿಕ  ಒಂದು ಹಿಮದ ಮರುಭೂಮಿ. ಇಲ್ಲಿನ ಶೇ. 98ರಷ್ಟು ಭಾಗ ಸಂಪೂರ್ಣವಾಗಿ ಮಂಜುಗಡ್ಡೆಯಿಂದಲೇ ಆವೃತ್ತವಾಗಿದೆ. ಭೂಮಿಯ ದಕ್ಷಿಣ ತುದಿಯಲ್ಲಿ ಸುಮಾರು 15 ಸಾವಿರ ಚದರ್ ಕೀ.ಮೀ.ಯಷ್ಟು ವಿಶಾಲ ಪ್ರದೇಶದಲ್ಲಿ ಚಾಚಿಕೊಂಡಿರುವ ಇದು ಜಗತ್ತಿನ 5ನೇ ದೊಡ್ಡ ಖಂಡವೆನಿಸಿಕೊಂಡಿದೆ. ಇಲ್ಲಿ ಬಿದ್ದಿರುವ ಮಂಜುಗಡ್ಡೆಯ ದಪ್ಪವೇ ಸುಮಾರು 1.6 ಕೀ.ಮೀ. ಹೀಗಾಗಿ ವರ್ಷದ 365 ದಿನವೂ ಇಲ್ಲಿ ಥಂಡಿ ಥಂಡಿ!

ಮುಕ್ಕಾಲುಭಾಗ ಶುದ್ಧ ನೀರು:
 ಅಂಟಾರ್ಕ್ಟಿಕ ಎನ್ನುವ ಪದ ಗ್ರೀಕ್ ಮೂಲದ್ದಾಗಿದ್ದು, ಉತ್ತರ ದಿಕ್ಕಿನ ವಿರುದ್ಧ ಎಂಬ ಅರ್ಥನೀಡುತ್ತದೆ. ಇಡೀ  ಅಂಟಾರ್ಕ್ಟಿಕ ಖಂಡವನ್ನು ಪೂರ್ವ  ಅಂಟಾರ್ಕ್ಟಿಕ ಹಾಗೂ ಪಶ್ಚಿಮ  ಅಂಟಾರ್ಕ್ಟಿಕ ಎಂದು  ವಿಂಗಡಿಸ ಬಹುದಾಗಿದೆ.   ಪ್ರಪಂಚದ ಶೇ. 90 ರಷ್ಟು ಮಂಜುಗಡ್ಡೆ ಈ ಖಂಡ ಒಂದರಲ್ಲೇ ಶೇಖರಣೆಯಾಗಿದೆ. ಅಕಸ್ಮಾತ್ ಇಲ್ಲಿನ ಮಂಜುಗಡ್ಡೆಗಳೆಲ್ಲಾ ಒಮ್ಮೆಲೇ ಕರಗಿದರೆ, ಸಮುದ್ರದ ನೀರಿನ ಮಟ್ಟ 200 ಅಡಿ ಏರಿಕೆಯಾಗಲಿದೆ. ಜಗತ್ತಿನ ಶುದ್ಧ  ನೀರಿನಲ್ಲಿ ಶೇ. 70  ಅಂಟಾರ್ಕ್ಟಿಕ ದಲ್ಲಿ ಮಾತ್ರವೇ ಶೇಖರಣೆಗೊಂಡಿದೆ. ಆದರೆ, ಇಲ್ಲಿ ಬೀಳುವ ಮಳೆಯ ಪ್ರಮಾಣ 10 ಸೆಂಟಿ ಮೀಟರ್ಗಿಂತಲೂ ಕಡಿಮೆ. ಇಲ್ಲಿನ ತಾಪಮಾನ  "0 ಡಿಗ್ರಿ" ದಾಟಿದ ಇತಿಹಾಸವೇ ಇಲ್ಲ. -128 ಡಿಗ್ರಿ ಸೆಲ್ಸಿಯಸ್ ಇಲ್ಲಿ ದಾಖಲಾದ ಕನಿಷ್ಠ ತಾಪಮಾನ. ಇಲ್ಲಿನ ಹಗಲು ಮತ್ತು ರಾತ್ರಿ ದೀರ್ಘವಾಗಿರುತ್ತದೆ. ಸೂರ್ಯ ಮಾರ್ಚ್ ನಲ್ಲಿ ಮುಳುಗಿ ಅಕ್ಟೋಬರ್ನಲ್ಲಿ ಮತ್ತೆ ಉದಯಿಸುತ್ತಾನೆ.

ಜ್ವಾಲಾಮುಖಿ ಪರ್ವತಗಳು:
ಇಂತಹ  ಅಂಟಾರ್ಕ್ಟಿಕ ಖಂಡದಲ್ಲಿಯೂ ಜ್ವಾಲಾಮುಖಿ ಪರ್ವತಗಳಿವೆ. ಮೌಂಟ್ ಎರೆಬಸ್ ಮತ್ತು ಡಿಸೆಪ್ಷನ್ ಐಲ್ಯಾಂಡ್ ಇಲ್ಲಿ ಕಂಡುಬರುವ ಅಗ್ನಿಪರ್ವತಗಳಾಗಿವೆ. ಅಲ್ಲದೆ ಇಲ್ಲಿ 70ಕ್ಕೂ ಹೆಚ್ಚು ಸರೋವರಗಳಿವೆ. ಇವು ಮೇಲಿನಿಂದ ಹೆಪ್ಪುಗಟ್ಟಿಕೊಂಡಿದ್ದು, ಮಂಜುಗಡ್ಡೆಯ ಕೆಳಭಾದಲ್ಲಿ ಹರಿಯುತ್ತದೆ. ಇಲ್ಲಿ ಸಸ್ಯ ಸಂಕುಲ ಕಡಿಮೆ ಪ್ರಮಾಣದಲ್ಲಿದೆ. ಆದರೂ, 360 ಜಾತಿಯ ಸಸ್ಯಗಳು ಇಲ್ಲಿವೆ.  ಅಂಟಾರ್ಕ್ಟಿಕ ಪೆಂಗ್ವಿನ್ಗಳ ಸಾಮರ್ಾಜ್ಯ ಎಂತಲೇ ಕರೆಸಿಕೊಂಡಿದೆ. ಇದಲ್ಲದೆ ಸೀಲ್ಗಳು ಹೆಚ್ಚಿನ ಸಂಖ್ಯೆಯಲ್ಲಿ ಕಂಡುಬರುತ್ತವೆ.  ಅಂಟಾರ್ಕ್ಟಿಕ ಮನುಷ್ಯರು ವಾಸಮಾಡುವುದಕ್ಕೆ ಯೋಗ್ಯವೆನಿಸಿಲ್ಲ. ಇಲ್ಲಿನ ಹವಾಮಾನ ವತ್ತು ಇನ್ನಿತರ ವಿಷಯಗಳ ಅಧ್ಯಯನಕ್ಕೆ ವಿಜ್ಞಾನಿಗಳು, ಪ್ರವಾಸಿಗರು ತಾತ್ಕಾಲಿಕವಾಗಿ ಇಲ್ಲಿಗೆ ತೆರಳುತ್ತಾರೆ. ವರ್ಷಪೂರ್ತಿ ಸುಮಾರು  1000 ದಿಂದ 5000 ಮಂದಿ ಇಲ್ಲಿ ವಾಸಮಾಡುತ್ತಾರೆ. ಅಂಟಾರ್ಕ್ಟಿಕ ಯಾವುದೇ ದೇಶದ ಹಿಡಿತಕ್ಕೆ ಒಳಪಟ್ಟಿಲ್ಲ. ಇದನ್ನು ಒಂದು ಖಂಡವನ್ನಾಗಿ ಕಾಯ್ದಿರಿಸಲಾಗಿದೆ. ಪ್ರಸ್ತುತ ಇಲ್ಲಿ ಯಾವುದೇ ಆರ್ಥಿಕ ಚಟುವಟಿಕೆ ನಡೆಯುತ್ತಿಲ್ಲ. 

ಅಂಟಾರ್ಕ್ಟಿಕ  ಒಪ್ಪಂದ:
ಇದು ಯಾವುದೇ ದೇಶದ ಹಿಡಿತದಲ್ಲಿ ಇಲ್ಲದಿರುವುದರಿಂದ ಇಲ್ಲಿ ಯಾವುದೇ ದೇಶ ಜನರಾಗಲಿ ವಸಹತುವಾಗಲಿ ಇಲ್ಲ. ಹಿಗಾಗಿ ಯಾವುದೇ ರೀತಿಯ ಸರ್ಕಾರ  ಕೂಡಾ ಅಸ್ಥಿತ್ವದಲ್ಲಿಲ್ಲ. ಆದರೆ, ಅನೇಕ ದೇಶಗಳು ಅಂಟಾರ್ಕ್ಟಿಕದ ಮೇಲೆ ಹಕ್ಕನ್ನು ಪ್ರತಿಪಾದಿಸಿದ ಕಾರಣಕ್ಕಾಗಿ, ಈ ಖಂಡವನ್ನು ವೈಜ್ಞಾನಿಕ ಸಂಶೋಧನೆಗೆ ಬಳಸಿಕೊಳ್ಳುವ ಏಕೈಕ ಉದ್ದೇಶದಿಂದ 1959ರಲ್ಲಿ  ಅಂಟಾರ್ಕ್ಟಿಕ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಈ ಒಪ್ಪಂದಕ್ಕೆ ಇದುವರೆಗೆ 49 ದೇಶಗಳು ಸಹಿ ಹಾಕಿವೆ. ಇಲ್ಲಿ 30 ವಿವಿಧ ದೇಶಗಳ 70 ಸಂಶೋಧನಾ ಕೇಂದ್ರಗಳು ಕಾರ್ಯ ನಿರ್ವಹಿಸುತ್ತಿವೆ.

ಕರಗುವ ಭೀತಿ:
ಸದಾ ಮಂಜುಗಟ್ಟಿರುವ ಭೂಮಿಯ ಮೇಲಿನ ವಿಶಿಷ್ಟ ಪ್ರದೇಶವಿಂದು ಜಾಗತಿಕ ತಾಪಮಾನದ ಹೊಡೆತಕ್ಕೆ ಸಿಲುಕಿ ನಲುಗುತ್ತಿದೆ. ಬಿಸಿಯಿಂದಾಗಿ ತನ್ನ ಸ್ವರೂಪವನ್ನೇ ಕಳೆದುಕೊಳ್ಳುತ್ತಿದೆ. ಇಲ್ಲಿನ ಮಂಜುಗಡ್ಡೆಗಳು ದಿನದಿಂದ ದಿನಕ್ಕೆ ಕರಗುತ್ತಿವೆ.  ಭೂ ಖಂಡದಿಂದ ಬೇರ್ಪಟ್ಟು ಸಮುದ್ರ ಪಾಲಾಗುತ್ತಿವೆ. ಒಂದು ವೇಳೆ ಇಲ್ಲಿನ ಹಿಮ ಕರಗಿದರೆ ಆಗಬಹುದಾದ ಅನಾಹುತ ಊಹಿಸುವುದೂ ಅಸಾಧ್ಯ.


 

ಕಲ್ಲಿನ ಅರಣ್ಯ!

ಇಲ್ಲೊಂದು ಅರಣ್ಯ ಸಂಪೂರ್ಣ ಕಲ್ಲಿನಿಂದಲೇ ನಿಮರ್ಮಾಣಗೊಂಡಿದೆ. ಒಂದರ ಪಕ್ಕ ಒಂದು ಸಾಲಾಗಿ ನಿಂತಿರುವ ಕಲ್ಲಿನ ಆಕೃತಿಗಳು ಅರಣ್ಯದಂತೆಯೇ ಭಾಸವಾಗುತ್ತದೆ. ಹೀಗಾಗಿ ಇದು ಕಲ್ಲಿನ ಅರಣ್ಯ (ಸ್ಟೋನ್ ಫಾರೆಸ್ಟ್) ಎಂದು ಪ್ರಸಿದ್ಧಿ ಪಡೆದಿದೆ. ಈ  ಅರಣ್ಯ ಇರುವುದು ಚೀನಾದ  ನೈಋತ್ಯ ಭಾದಲ್ಲಿರುವ ಲುನಾನ್ ಯು ಸ್ವಾಯತ್ತ ಪ್ರಾಂತದ ಯುನಾನ್ ಪ್ರದೇಶದಲ್ಲಿ. ಇಲ್ಲಿನ 350 ಚದರ್ ಕಿ.ಮೀವರೆಗೆ ಅರಣ್ಯ ವಿಸ್ತರಿಸಿಕೊಂಡಿದೆ. ಅಂದರೆ 96 ಸಾವಿರ ಎಕರೆಯಷ್ಟು ಜಾಗದಲ್ಲಿ ಕೇವಲ ಕಲ್ಲಿನ ಅರಣ್ಯವೇ ತುಂಬಿಕೊಂಡಿದೆ!

 ಜಗತ್ತಿನ ಮೊದಲ ಅದ್ಭುತ
ಈ  ರಚನೆಯನ್ನು  ಹಳೆಯ ಪ್ರಪಂಚದ ಅದ್ಭುತಗಳಲ್ಲಿ ಮೊದಲನೆಯದಾಗಿ ಗುರುತಿಸಾಲಾಗಿದೆ. ಸದ್ಯ ವಿಶ್ವ ಪಾರಂಪರಿಕ ತಾಣ ಎಂದು ಘೋಷಿಸಿ ಸಂರಕ್ಷಿಸಲಾಗುತ್ತದೆ. ಸ್ಟೋನ್ ಫಾರೆಸ್ಟ್ ಎಂದೇ ಪ್ರಸಿದ್ಧಿ ಪಡೆದಿರುವ ಈ ಪ್ರದೇಶ  ಸಮುದ್ರ ಮಟ್ಟದಿಂದ ಸುಮಾರು  1600 ಅಡಿಯಿಂದ 1900 ಅಡಿಯ ಎತ್ತರದಲ್ಲಿದೆ. ಸುಮಾರು 5 ರಿಂದ 30 ಮೀಟರ್ ತನಕ ಎತ್ತರವಾಗಿರುವ ಕಲ್ಲಿನ ರಚನೆಗಳು ಒಂದರ ಪಕ್ಕ ಒಂದು ನಿರ್ಮಾಣಗೊಂಡಿವೆ. ಪ್ರತಿಯೊಂದು ರಚನೆಯು ಭಿನ್ನವಾಗಿದ್ದು, ಅವುಗಳಲ್ಲಿ ಅನೇಕ ಮರಗಳ ಆಕಾರ, ಮನುಷ್ಯನ ಆಕಾರ, ಪ್ರಾಣಿಗಳ ಆಕಾರದಲ್ಲಿವೆ. ಸುಮಾರು 270 ದಶ ಲಕ್ಷ ವರ್ಷಗಳ ಹಿಂದೆ ಸುಣ್ಣದ ಕಲ್ಲಿನಿಂದ ಈ ಅರಣ್ಯ ನಿರ್ಮಾಣಗೊಂಡಿದೆ ಎಂದು  ಹೇಳಲಾಗಿದೆ.

ಸಾಂಪ್ರದಾಯಿಕ ಆಚರಣೆ:
ಇಂತಹ ಕಲ್ಲಿನ ಅರಣ್ಯ ಇರುವುದು ಜಗತ್ತಿಗೆ ಗೊತ್ತಾಗಿದ್ದು 13 ರಿಂದ 16ನೇ ಶತಮಾನದವರೆಗೆ ಚೀನಾವನ್ನು ಆಳಿದ ಮಿಂಗ್ ಸಾಮರ್ಾಜ್ಯದ ಅವಧಿಯಲ್ಲಿ. ಇಲ್ಲಿನ  ಸ್ಥಳೀಯ ಸಾನಿ ಜನಾಂಗ ಪ್ರತಿ ವರ್ಷ ಜೂನ್ 24ರಂದು ದೀಪಗಳನ್ನು ಬೆಳಗುವ ಮೂಲಕ ಸ್ಟೋನ್ ಫೆಸ್ಟಿವಲ್ ಆಚರಿಸುವ ಸಂಪ್ರದಾಯ ರೂಢಿಯಲ್ಲಿದೆ. ಆ ದಿನ ವಿವಿಧ ಸಾಂಪ್ರದಾಯಿಕ ಕ್ರೀಡೆಗಳನ್ನು ಆಡಲಾಗುತ್ತದೆ. ಅಲ್ಲದೇ ಇದೊಂದು ಪ್ರಸಿದ್ಧ ಪ್ರವಾಸಿ ತಾಣವಾಗಿದ್ದು ಲಕ್ಷಾಂತರ ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡಿ ಕಲ್ಲಿನ ಸೌಂದರ್ಯಕ್ಕೆ ಬೆರಗಾಗುತ್ತಾರೆ.

ಕಲ್ಲಿನ ಅರಣ್ಯದ ವಿಶೇಷತೆ

•  ನೆಲದಡಿಯಲ್ಲಿ ಜಲಪಾತ

ಈ ಅರಣ್ಯದ ವಿಶೇಷತೆಯೆಂದರೆ, ಮಳೆಯ ರಭಸಕ್ಕೆ ಕಲ್ಲುಗಳು ಕರಗಿ ನೆಲದ ಅಡಿಯಲ್ಲಿ ಅನೇಕ ಸುರಂಗಗಳು, ಕೆರೆಗಳು, ಜಲಪಾತ, ಜಲಾಶಯಗಳು ನಿರ್ಮಾಣವಾಗಿದೆ.

• ಗುಪ್ತ ಸರೋವರ

ಗುಪ್ತಗಾಮಿನಿಯಾಗಿ ಹರಿಯುವ  5 ನದಿಗಳನ್ನು ಈ ಅರಣ್ಯ ಹೊಂದಿದೆ. ಲೆಕ್ಕವಿಲ್ಲದಷ್ಟು ಕಲ್ಲಿನ ಕಂಬ, ಕಲ್ಲಿನ ಮೊಗಸಾಲೆ ( ಕಿರು ದಾರಿ)ಗಳನ್ನು ಅರಣ್ಯದಲ್ಲಿ ಕಾಣಬಹುದು.ಚಿಕ್ಕ ಚಿಕ್ಕ ದ್ವೀಪ
ಇಲ್ಲಿ ನಿರ್ಮಾಣಗೊಂಡಿರುವ ಸರೋವರಗಳು ಒಟ್ಟು 50 ದಶಲಕ್ಷ ಘನ ಮೀಟರ್ನಷ್ಟು ಶುದ್ಧ ನೀರನ್ನು ಹಿಡಿದಿಟ್ಟುಕೊಂಡಿದೆ. ಈ ಅರಣ್ಯ 96 ಸಾವಿರ ಎಕರೆಯಷ್ಟು ವಿಸ್ತಾರವಾಗಿದೆ. ನೀರಿನ ಮಧ್ಯೆಯೇ ಕಲ್ಲಿನ ಅರಣ್ಯ ತಲೆ ಎತ್ತಿರುವುದರಿಂದ ಅವು ಚಿಕ್ಕ ಚಿಕ್ಕ ದ್ವೀಪಗಳಂತೆ ಕಂಡುಬರುತ್ತದೆ. 

• ಮುಳುಗುವ ಸುರಂಗ

ಇಲ್ಲಿ ಎರಡು ನಿಮಿಷ ಮಳೆ ಬಿದ್ದರೂ ಅಂತರ್ಗತವಾಗಿರುವ ಸುರಂಗಗಳು ಕಾಲ ಸಂಪೂರ್ಣ ಮುಚ್ಚಿಬಿಡುತ್ತದೆ. ಮತ್ತೆ ಸುರಂಗ ತೆರೆದುಕೊಳ್ಳಲು 30 ನಿಮಿಷ ಹಿಡಿಯುತ್ತದೆ. 

• ಕಲ್ಲಿನ ಪ್ರತಿಬಿಂಬ

ಪ್ರವಾಸಿಗರಿಗೆ ಈ ಅರಣ್ಯದಲ್ಲಿ 2 ತಾಸು ಮಾತ್ರ ಸುತ್ತಾಡಲು ಅವಕಾಶ. ನದಿಗಳ ಮೇಲೆ ಬೀಳುವ ಕಲ್ಲಿನ ಕಂಬಗಳ ಪ್ರತಿಬಿಂಬ ಪ್ರವಾಸಿಗರನ್ನು  ಸೂಜಿಗಲ್ಲಿನಂತೆ ಸೆಳೆಯುತ್ತದೆ.

• ವಾಲಿನಿಂತಿರುವ ಕಲ್ಲು

ಇಲ್ಲಿ ಸಂಭವಿಸಿದ ಭೂಕಂಪದಿಂದಾಗಿ ಅನೇಕ ಕಲ್ಲುಗಳು ವಾಲಿಕೊಂಡಿದ್ದು, ಮೈಮೇಲೆ ಬಿಳುತ್ತಿರುವಂತೆ ಭಾಸವಾಗುತ್ತದೆ.