ದೈತ್ಯ ಅನಕೊಂಡ

 ಪ್ರಪಂಚದಲ್ಲಿಯೇ ಅತಿ ದೊಡ್ಡ  ಹಾವು ಅನಕೊಂಡ. ಇದು ಹೆಬ್ಬಾವಿಗಿಂತಲೂ ಉದ್ದ ಮತ್ತು ಭಾರ. 

ಈ ಹಾವು ಎನೆಕ್ಟಸ್ ಎನ್ನವ ಪ್ರಜಾತಿಗೆ ಸೇರಿದೆ. ಇದು ಉತ್ತರ ಅಮೆರಿಕದ ಅಮೆಜಾನ್ ಮಳೆಕಾಡುಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಅನಕೊಂಡದ ವಿಶೇಷತೆಯೆಂದರೆ ಬೇಟೆಯನ್ನು ಕಚ್ಚಿ ಸಾಯಿಸುವ ಬದಲಾಗಿ ಉಸಿರುಗಟ್ಟಿಸಿ ಸಾಯುವವವರೆಗೂ ದೇಹದಿಂದ ಸುತ್ತಿಕೊಳ್ಳುತ್ತದೆ. ಈ ಹಾವಿಗೆ ಯಾವುದೇ ವಿಷವಿರುವುದಿಲ್ಲ. ಹೀಗಾಗಿ ಕಚ್ಚಿದರೂ ಯಾವುದೇ ಅಪಾಯ ಇಲ್ಲ. ಬೇಟೆ ಎಷ್ಟೇ ದೊಡ್ಡದಾಗಿದ್ದರೂ ಸಹ ತನ್ನ ದವಡೆ ಮತ್ತು ದೇಹವನ್ನು ಹಿಗ್ಗಿಸಿ ಇಡಿಯಾಗಿ ನುಂಗುತ್ತದೆ. ಒಮ್ಮೆ ದೊಡ್ಡ ಪ್ರಾಣಿಯನ್ನು ನುಂಗಿದರೆ ಅದು ಸಂಪೂರ್ಣ ಜೀರ್ಣವಾಗುವವರೆಗೆ ತಿಂಗಳುಗಟ್ಟಲೇ ಏನನ್ನೂ ತಿನ್ನುವುದಿಲ್ಲ.

ಆಳಸಿ ಸ್ವಭಾವದವು:

ಇದೊಂದು ಉಭಯವಾಸಿ. ನೀರಿನ ಹತ್ತಿರದಲ್ಲಯೇ ಇರಲು ಅನಕೊಂಡ ಇಷ್ಟ ಪಡುತ್ತದೆ. ನೀರಿನಲ್ಲಿ ಅನಕೊಂಡ ಅತ್ಯಂತ ಬಲಶಾಲಿ. ಅನಕೊಂಡ ತನ್ನ ದೇಹ ಕಾಣಿಸದಂತೆ ನೀರಿನಲ್ಲಿ ಈಜುತ್ತದೆ. 10 ನಿಮಿಷಗಳಕಾಲ ನೀರಿನಲ್ಲಿ ಉಸಿರನ್ನು ತಡೆಹಿಡಿಯಬಲ್ಲದು. ನೆಲದ ಮೇಲಿದ್ದಾಗ ಅತ್ಯಂತ ನಿಧಾನ ಮತ್ತು ಆಳಸಿ ಸ್ವಭಾವದವು. ಅನಕೊಂಡ ನೀರಿನಲ್ಲಿರುವುದು ಗುತ್ತೇ ಆಗುವುದಿಲ್ಲ. ಅಷ್ಟೊಂದು ನಿಶ್ಚಲವಾಗಿ ಇರಬಲ್ಲವು. ಈ ಹಾವಿಗೆ ಕಣ್ಣು ಮತ್ತು ಮೂಗು ತಲೆಯ ಮೇಲಿದೆ. ನೀರಿನಲ್ಲಿ ಮುಳುಗಿಕೊಂಡಿದ್ದಾಗ ತೆಲೆಯನ್ನಷ್ಟೇ ಮೇಲೆ ಮಾಡಿ ಶಿಕಾರಿಗಾಗಿ ಹೊಂಚುಹಾಕುತ್ತದೆ. ಇವು ತಾವಾಗಿಯೇ ಆಹಾರ ಹುಡುಕಿಕೊಂಡು ಹೋಗುವುದಿಲ್ಲ. ಹಕ್ಕಿಗಳು ಅಥವಾ ಇತರ ಪ್ರಾಣಿಗಳು ನೀರು ಕುಡಿಯಲು ಬರುವವರಗೂ ಕಾಯುತ್ತದೆ. ನೀರಿನಲ್ಲಿದ್ದಾಗ ಯಾರಿಗೂ ಕಾಣುವುದಿಲ್ಲ. ಏಕೆಂದರೆ ಅನಕೊಂಡ ಆಳವಿಲ್ಲದ ಕೆಸರು ನೀರಿನಲ್ಲಿ ಹುದುಗಿಕೊಂಡಿರುತ್ತದೆ. ಇದಕ್ಕೆ ತಕ್ಕಂತೆ ಹಸಿರು ಬಣ್ಣದ ಮೈಮೇಲೆ ಕಪ್ಪು ಮಚ್ಚೆಗಳನ್ನು ಹೊಂದಿದೆ. ಬೇರೆ ಹಾವುಗಳಂತೆ ಅನಕೊಂಡ ಮೊಟ್ಟೆಯಿಡುವುದಿಲ್ಲ. ಮೊಟ್ಟೆಯನ್ನು ತನ್ನಲೇ ಉಳಿಸಿಕೊಂಡು ನೇರವಾಗಿ ಮರಿಗಳನ್ನು ಇಡುವುದು ಇವುಗಳ ವೈಶಿಷ್ಟ್ಯ. ಒಂದು ಸಲಕ್ಕೆ 24 ರಿಂದ 35 ಮರಿಗಳಿಗೆ ಜನ್ಮ ನೀಡುತ್ತದೆ. ಅನಕೊಂಡದ ಮರಿಗಳು 2 ಅಡಿಯಷ್ಟು ದೊಡ್ಡದಾಗಿರುತ್ತದೆ. ಮರಿಗಳು ಹುಟ್ಟಿದಕೂಡಲೇ ನೀರಿನಲ್ಲಿ ಈಜುವ ಮತ್ತು ಆಹಾರ ಹುಡುಕುವ ಸಾಮಥ್ರ್ಯ ಹೊಂದಿರುತ್ತವೆ.

ಮೈಯನ್ನು ಸುತ್ತಿಕೊಂಡಿರುತ್ತದೆ

ಈ ಹಾವು ದೇಹವನ್ನು ಯಾವಾಗಲೂ ಸುತ್ತಿಕೊಂಡಿರುತ್ತದೆ. ಕಪ್ಪೆ, ಮೀನು, ಹಂಸ, ಹಂದಿ, ಕರಟಿ ಮುಂತಾದ ಪ್ರಾಣಿಗಳನ್ನು ಒಂದೇ ಉಸಿರಿಗೆ ತಿಂದುಮುಗಿಸುತ್ತದೆ ಅನಕೊಂಡ. ಒಮ್ಮೆ ಇದರ ಹಿಡಿತಕ್ಕೆ ಸಿಕ್ಕರೆ ಬಿಡಿಸಿಕೊಳ್ಳಲು ಸಾಧ್ಯವೇ ಇಲ್ಲ. ಅನಕೊಂಡ ಕೆಲವುಬಾರಿ ಮಾನವವನ್ನೂ ತಿಂದುಮುಗಿಸಿದ ಉದಾಹರಣೆಯಿದೆ. ಅನಕೊಂಡ ಪ್ರತಿದಿನ 20 ಕೆ.ಜಿಯಷ್ಟು ಆಹಾರ ತಿನ್ನುತ್ತದೆ. ಆಹಾರವನ್ನು ತಿಂದಾಗ ದೇಹದ ಗಾತ್ರವನ್ನು ಹೆಚ್ಚಿಸಿಕೊಳ್ಳುತ್ತದೆ. 
ಅನಕೊಂಡದಲ್ಲಿ ನಾಲ್ಕು ಪ್ರಕಾರಗಳಿವೆ. ಬೊಲ್ವಿಯನ್ ಅನಕೊಂಡ. ಕಪ್ಪು, ಹಸಿರು, ಮತ್ತು ಹಳದಿ ಬಣ್ಣದ ಅನಕೊಂಡ. ಇದರಲ್ಲಿ ಹಸಿರು ಅನಕೊಂಡ ಎಲ್ಲದಕ್ಕಿಂತ ಭಾರ. ಇದರ ಸರಾಸರಿ ಉದ್ದ 30 ಅಡಿ. ತೂಕ ಸುಮಾರು 227 ಕೆ.ಜಿ. ಹೆಣ್ಣು ಅನಕೊಂಡ ಗಂಡಿಗಿಂತಲೂ ದೊಡ್ಡದಾಗಿರುತ್ತದೆ. ಅನಕೊಂಡ ಅನೇಕ ವಾರಗಳವರೆಗೆ ಆಹಾರವಿಲ್ಲದೇ ಇರಬಲ್ಲದು. ಅನಕೊಂಡ ಸಾಯುವ ವರೆಗೂ ಬೆಳೆಯುತ್ತಲೇ ಇರುತ್ತದೆ. ಪ್ರತೀವರ್ಷವೂ ಇದರ ಗಾತ್ರ ಜಾಸ್ತಿಯಾಗುತ್ತದೆ. ಅನಕೊಂಡ 15 ರಿಂದ 30 ವರ್ಷ ಬದುಕುತ್ತದೆ.

ಅನಕೊಂಡದ ಚರ್ಮಕ್ಕೆ ಭಾರೀ ಬೇಡಿಕೆ ಇದೆ. ಒಂದು ಅನಕೊಂಡ ಮಾರುಕಟ್ಟೆಯಲ್ಲಿ 50 ಸಾವಿರ ಡಾಲರ್ ನಷ್ಟು ಬೆಲೆಬಾಳುತ್ತದೆ. ಇದು ಇನ್ನೂ ಅಳಿವಿನಂಚಿಗೆ ತಲುಪದ ಕಾರಣ ಕಾನೂನುಬದ್ಧವಾಗಿಯೇ ಅನಕೊಂಡವನ್ನು ಬೇಟೆಯಾಡಲಾಗುತ್ತದೆ.



 

ಅಮೆಜಾನ್ ಎಂಬ ಅದ್ಭುತ ಲೋಕ...

ಅಮೆಜಾನ್ ಕಾಡುಗಳಲ್ಲಿ ಸೂರ್ಯನ ಬೆಳಕು ಭೂಮಿಗೆ ತಾಕುವುದೇ ಇಲ್ಲ. ಅಷ್ಟು ದಟ್ಟ ಅರಣ್ಯ ಅದು. ಅಲ್ಲಿವರ್ಷವಿಡಿ ಮಳೆಯಾಗುತ್ತಲೇ ಇರುತ್ತದೆ. ಅದಕ್ಕೆ ಇಲ್ಲಿನ ಕಾಡುಗಳಿಗೆ ಮಳೆಕಾಡು ಎನ್ನುವ ಹೆಸರು ಬಂದಿದೆ. ಇದು ತರಹೇವಾರಿ ಜೀವವೈವಿಧ್ಯದ ತಾಣ.

ದಕ್ಷಿಣ ಅಮೆರಿಕದ ಎಂಟು ರಾಷ್ಟ್ರಗಳಾದ ಬ್ರೆಜಿಲ್, ಬೊಲಿವಿಯಾ,ಕೊಲಂಬಿಯಾ, ಇಕ್ವೆಡಾರ್, ವೆನಿಜುವೆಲಾ, ಗಯನಾ, ಸುರಿನಾಮ್,  ಪರುಗಳನ್ನು ಮಳೆಕಾಡುಗಳು ಆವರಿಸಿ ಕೊಂಡಿದೆ. ಅಮೆಜಾನ್ ಜಗತ್ತಿನ ಅತಿದೊಡ್ಡ ಮಳೆಕಾಡು ಎನಿಸಿಕೊಂಡಿದೆ. ಭೂಮಿಯ 14% ಭಾಗ ಮಳೆಕಾಡುಗಳಿಂದ ಆವೃತವಾಗಿದೆ. ಜಗತ್ತಿನ ಅರ್ಧಕ್ಕಿಂತ ಹೆಚ್ಚು ಪ್ರಾಣಿ ಮತ್ತು ಸಸ್ಯ ಸಂಕುಲಗಳು ಇಲ್ಲಿ ಕಂಡುಬರುತ್ತವೆ. ಈ ಕಾಡುಗಳು ಸೃಷ್ಟಿಯಾಗಲು ಲಕ್ಷಾಂತರ ವರ್ಷಗಳೇ ಹಿಡಿದಿವೆ. ಸಮಭಾಜಕ ವೃತ್ತದ ಆಸುಪಾಸಿನಲ್ಲಿ ಮಳೆಕಾಡುಗಳು ಸೃಷ್ಟಿಯಾಗುತ್ತವೆ.

ಅಮೆಜಾನ್ ನದಿ: ಈ ನದಿ ಅಮೆಜಾನಿನ ಎಂಟು ರಾಷ್ಟ್ರಗಳಿಗೆ ಜೀವಸೆಲೆಯಾಗಿದೆ. ಈ ನದಿಯ ದಂಡೆಯಮೇಲೆ ಬ್ರೆಜಿಲ್ನ ಪ್ರಸಿದ್ಧ ನಮಾಸ್ ಎನ್ನುವ ನಗರವಿದೆ. ಈ ಅದ್ಭುತ ನದಿ ಉಗಮ ಸ್ಥಾನದಿಂದ ಒಟ್ಟೂ 1, 600 ಕಿ.ಮಿ ದೂರ ಸಾಗಿ ಅಟ್ಲಾಂಟಿಕ್ ಮಹಾಸಾಗರದಲ್ಲಿ ಕೊನೆಗೊಳ್ಳುತ್ತದೆ. ಜಗತ್ತಿನ ಅತೀ ಉದ್ದದ ನದಿಗಗಳಲ್ಲಿಅಮೆಜಾನ್ ನದಿ ಸಹ ಒಂದು. 3 ಸಾವಿರ ಜಾತಿಯ ಮೀನುಗಳು ನದಿಯ ಒಡಲಲ್ಲಿವೆ. ಇನ್ನೂ ಕಂಡುಹಿಡಿಯಲಾಗದ ಎಷ್ಟೋ ಸಂಗತಿಗಳು ಈ ನದಿ ಒಳಗೊಂಡಿದೆ. ಈ ನದಿಯಾವಾಗಲು ಕೆಂಪಾಗಿಯೇ ಹರಿಯುತ್ತದೆ. 

ಅಮೆಜಾನ್ ಕಾಡಿನ ವಿಶೇಷತೆಗಳು.

1. ಇಲ್ಲಿ ಬಿಸಿಲು ಮತ್ತು ಸೆಕೆ  ಅತ್ಯಂತ ಜಾಸ್ತಿ. ಇಲ್ಲಿನ ಸರಾಸರಿ ತೇವಾಂಶ 79 ಡಿಗ್ರಿ. ಇಲ್ಲಿ ವಾತಾವರಣ ಒಮ್ಮಲೇ ಬದಲಾಗುತ್ತದೆ. ಈ ಜಾಗದಲ್ಲಿ ಪದೆ ಪದೆ ಬಿಸಿಲು ಮಳೆ ಉಂಟಾಗುತ್ತದೆ.
2.  ಈ ಕಾಡುಗಳಲ್ಲಿ ಸದಾ ಹೇರಳ ಮಳೆಯಾಗುವ ಕಾರಣ ಮಳೆಗಾಲದಲ್ಲಿ ನದಿಯ ಪ್ರವಾಹ 30 ರಿಂದ 40 ಅಡಿಗೆ ಏರುತ್ತದೆ. ಹೀಗಾಗಿ ಬಹುತೇಕ ಅರಣ್ಯ ಪ್ರದೇಶ ನೀರಿನಿಂದಲೇ ಆವೃತ್ತವಾಗಿರುತ್ತದೆ.
3.  ಅಮೆಜಾನ್ನಲ್ಲಿ 4 ಲಕ್ಷ 38 ಸಾವಿರ ಜಾತಿಯ ಜೀವ ಸಂಕುಲಗಳಿವೆ. ಇಲ್ಲಿ ಕಂಡು ಬರುವಷ್ಟು ವೈವಿಧ್ಯಮಯ ಜೀವ ಸಂಕುಲ ಪ್ರಪಂಚದ ಬೇರೆಯಾವುದೇ ಭಾಗದಲ್ಲಿ ಕಂಡುಬರಲು ಸಾಧ್ಯವೇ ಇಲ್ಲ. ಇಲ್ಲಿನ ಅದೆಷ್ಟೋ ಜೀವಿಗಳನ್ನು ವಿಜ್ಞಾನಿಗಳು ಇನ್ನೂ ಪತ್ತೆಹಚ್ಚಿಲ್ಲ. ಇನ್ನೂ ಕಂಡು ಹಿಡಿಯದ ಲಕ್ಷಾಂತರ ಸಸ್ಯ ಪ್ರಭೇದಗಳು ಇಲ್ಲಿವೆ. ಅಮೇಜಾನ್ ಅನಾಕೊಂಡಾ ಹಾವುಗಳಿಗೆ ಪ್ರಸಿದ್ಧಿ ಪಡೆದಿದೆ. ಇಲ್ಲಿನ ಅರಣ್ಯ ಅತ್ಯಂತ ಅಪಾಯಕಾರಿ ಇಲ್ಲಿ ವಿಷಪೂರಿತ ಸಸ್ಯ ಮತ್ತು ಪಾಣಿಗಳೇ ಹೆಚ್ಚಾಗಿವೆ. ವಿಷಹಾರಿಸುವ ಕಪ್ಪೆಗಳ ವಿಭಿನ್ನ ಪ್ರಭೇದಗಳು ಇಲ್ಲಿ ಮಾತ್ರ ಕಂಡುಬರುತ್ತದೆ.
4. ಇಲ್ಲಿ ಒಂದು ಚದರ್ ಮೈಲಿ ಅಂತರದಲ್ಲಿ ಸಾವಿರಾರು ಬಗೆಯ ಸಸ್ಯಗಳು ಕಾಣಸಿಗುತ್ತದೆ. ಆಕಾಶದೆತ್ತರದ ಮರಗಳೇ ಇಲ್ಲಿ ಜಾಸ್ತಿ. ಇಲ್ಲಿ ವನಸ್ಪತಿ ಸಸ್ಯಗಳೂ ಸಹ ಅಘಾದ ಪ್ರಮಾಣದಲ್ಲಿದೆ. ಇಲ್ಲಿನ ಬುಡಕಟ್ಟು ಜನಾಂಗ ಔಷಧಿಗಾಗಿ ಇವುಗಳನ್ನು ಉಪಯೋಗಿಸುತ್ತಾರೆ.
5. ಇದುವರೆಗೆ ಅಮೆಜಾನ್ ಕಾಡಿನಲ್ಲಿ 2,180 ಜಾತಿಯ ಮೀನುಗಳು, 1294 ಜಾತಿಯ ಪಕ್ಷಿಗಳು, 427 ಬಗೆಯ ಸಸ್ತನಿಗಳು, 428 ಉಬಯಚರಿಗಳನ್ನು, 378 ಬಗೆಯ ಸರಿಸೃಪಳನ್ನಷ್ಟೇ ಗುರುತಿಸಲಾಗಿದೆ. ಅಮೆಜಾನ್ನಲ್ಲಿ ಒಟ್ಟೂ 2.5 ಕೋಟಿ ಜೀವ ಪ್ರಭೇದಗಳಿವೆ ಎಂದು ಅಂದಾಜಿಸಲಾಗಿದೆ. ಜಗತ್ತಿನ 5/1ರಷ್ಟು ಜೀವ ಸಂಕುಲ ಅಮೆಜಾನ್ಒಂದರಲ್ಲಯೇ ಕಂಡುಬರುತ್ತದೆ.

 ಅರಣ್ಯ ನಾಶ: ಇಂಥಹ ದಟ್ಟಾಕಾಡು ಸಹ ಮಾನವನ ಸ್ವಾರ್ಥಕ್ಕೆ ಬರಿದಾಗುತ್ತಿದೆ. ಇಲ್ಲಿ ಗಣಿಗಾರಿಕೆ, ಕೃಷಿ ಚಟುವಟಿಕೆ, ಮನೆಗಳ ನಿರ್ಮಾಣ ಕೈಗಾರಿಕೆಗಳ ಸ್ಥಾಪನೆ ಅವ್ಯಾಹತವಾಗಿ ಮುಂದುವರಿದಿದೆ. ಇದಕ್ಕಾಗಿ ಪ್ರತಿವರ್ಷ 13 ಸಾವಿರ ಮೈಲಿ ಅರಣ್ಯಗಳನ್ನು ಕಡಿಯಲಾಗುತ್ತಿದೆ. ಇದರಿಂದ ಜಗತ್ತಿನ ಜೀವ ಪರಿಸರ ವ್ಯವಸ್ಥೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತಿದೆ.

ನಮ್ಮಿಂದ ಮರೆಯಾಗುತ್ತಿವೆ ಪಾಂಡಾಗಳು

ಪಾಂಡಾ ಸಂತತಿ ಇಂದು ನಮ್ಮಿಂದ ಮರೆಯಾಗುತ್ತಿದೆ. ಕರಡಿಯ ಸಂತತಿಗೆ ಸೇರಿದ ಇವು ಮಧ್ಯ ಚೀನಾದಲ್ಲಿ ಮಾತ್ರ ಕಂಡು ಬರುತ್ತದೆ. ಇದು ಚೀನಾದ ರಾಷ್ಟ್ರೀಯ ಪ್ರಾಣಿ ಮತ್ತು ಚೀನಿಯರ ಸಂಕೇತ ಕೂಡಾ. 3 ಮಿಲಿಯನ್ ವರ್ಷಗಳಿಂದ ಇವು ವಾಸವಾಗಿವೆ. ಬಿದಿರಿನ ಕಾಡುಗಳಲ್ಲಿ ಮಾತ್ರ ಪಾಂಡಾಗಳು ಕಂಡುಬರುತ್ತವೆ.

ಪಾಂಡಾಗಳು ಶೇ.99ರಷ್ಟು ಬಿದಿರಿನ ಮೇಲೆಯೇ ಅವಲಂಬಿತ. ಬಿದಿರನ್ನು ಬಿಟ್ಟರೆ ಪಾಂಡಾಗಳ ಜೀವನವೇ ಇಲ್ಲ. ಎಲ್ಲೋ ಅಪರೂಪಕ್ಕೆ ಎಂಬಂತೆ ಹುಲ್ಲು, ತರಕಾರಿ, ಮೀನು, ಮತ್ತು ಚಿಕ್ಕಪುಟ್ಟ ಪ್ರಾಣಿಗಳನ್ನು ತಿನ್ನುತ್ತವೆ. ಬೆದಿರಿನಲ್ಲಿ ಪೌಷ್ಠಿಕಾಂಶ ಕಡಿಮೆ. ಹೀಗಾಗಿ ದಿನದ 12 ಗಂಟೆಗಳನ್ನು ಬಿದಿರು ಇನ್ನುವುದರಲ್ಲಿಯೇ ಕಳೆಯುತ್ತವೆ. ಇವುಗಳಿಗೆ ಕುಡಿಯಲು  ನೀರು ಸಹ ಹೆಚ್ಚಿನ ಪ್ರಮಾಣದಲ್ಲಿ ಬೇಕು. ಬಿದಿರಿನ ಕಾಂಡಗಳಲ್ಲಿ ಸಂಗ್ರಹವವಾಗುವ ನೀರನ್ನೇ ಇವು ಕಡಿಯುತ್ತವೆ. ತಿಂದ ಆಹಾರದಲ್ಲಿ 5/1 ರಷ್ಟುನ್ನು ಮಾತ್ರ ಜೀರ್ಣಿಸಿಕೊಳ್ಳುವುದರಿಂದ ಅತೀ ವೇಗವಾಗಿ ಆಹಾರ ತಿನ್ನುತ್ತದೆ. ಪಾಂಡಾಗಳು ಸರಾಗವಾಗಿ ಮರಗಳ್ನು ಏರಿ ಕೊಂಬೆಗಳನ್ನು ತಬ್ಬಿಕೊಂಡು ಮಲಗುತ್ತವೆ. ಮರಗಳೇ ಇವುಗಳ ಮೆನೆ. ಒಂದು ವರ್ಷದ ಪಾಂಡಾ ಮರಿಯೂ ಎತ್ತರದ ಮರವನ್ನು ಏರಬಲ್ಲದು. ಅದೇರೀತಿ ನೀರಿನಲ್ಲಿ ಈಜಬಲ್ಲದು. ಎರಡು ಕಾಲುಗಳ ಮೇಲೆ ನಡೆಯಬಲ್ಲದು.

ನಾಚಿಕೆ ಸ್ವಭಾವ:
ಪಾಂಡಾ ತುಂಬಾ ನಾಚಿಕೆ ಸ್ವಭಾವದವು. ಯಾರಿಗೂ ತೊಂದರೆ ನೀಡದೇ ತನ್ನಪಾಡಿಗೆ ವಾಸಿಸುತ್ತವೆ. ಏಕಾಂತ ಪ್ರದೇಶವನ್ನೇ  ಹೆಚ್ಚಾಗಿ ಇಷ್ಟ ಪಡುತ್ತವೆ. ಹೀಗಾಗಿ ಇವು ಮಾನವನಿಗೆ ಕಾಣಿಸಿಕೊಳ್ಳುವುದು ತುಂಬಾ ಅಪರೂಪ. ಅರಣ್ಯದಲ್ಲಿ ಬಿದಿರಿನ ಹಿಂಡು ಕಾಲಿಯಾದರೆ ಅಥವಾ ಏಕಾಏಕಿ ಸತ್ತು ಹೋದರೆ ಪಾಂಡಾಗಳು ಉಪವಾಸದಿಂದ ಸಾಯುತ್ತವೆ. ಪಾಂಡಾಗಳು ನಿರ್ಧಿಷ್ಟ ಪ್ರದೇಶಕ್ಕೆ ಮಾತ್ರ ಸೀಮಿತವಾಗಿರುತ್ತವೆ. ಹೀಗಾಗಿ ಪಾಂಡಾಗಳು ಇಂದು ವಾಸಸ್ಥಾನ ಮತ್ತು ಆಹಾರದ ಕೊರತೆ ಎದುರಿಸುತ್ತಿವೆ. 


ಗುರುತಿಸುವುದು ಸುಲಭ:

ಪಾಂಡಾ ಕುಪ್ಪು ಮತ್ತು ಬಿಳಿ ಬಣ್ಣದ ಪ್ರಾಣಿ. ಅಗಲವಾದ ಬಿಳಿಯ ಮುಖ, ಚಿಕ್ಕದಾದ ಕಪ್ಪು ಕಿವಿ. ಕಣ್ಣಿನ ಸುತ್ತ ಕಪ್ಪು ಕಲೆ. ಚಿಕ್ಕ ಬಾಲ ಇದರ ಗುರುತು. ಇದರ ಬಲಿಷ್ಠ ದವಡೆ, ಅಗಲವಾದ ಹಲ್ಲುಗಳು ಬಿದಿರನ್ನು ಜಗೆಯಲು ಸಹಕಾರಿ. ಪಾಂಡಾಗಳು 2 ರಿಂದ 3 ಅಡಿ ಎತ್ತರ ಮತ್ತು 4 ರಿಂದ 6ಅಡಿ ಉದ್ದವಾಗಿದ್ದು 76 ರಿಂದ 136 ಕೆ.ಜಿ ತೂಕ ಹೊಂದಿರುತ್ತವೆ. ಇವು ಆಹಾರವನ್ನು ಮಾನನಂತೆ ಕೈಯಲ್ಲಿ ಹಿಡಿದು ತಿನ್ನುತ್ತವೆ. ಕೈಯ ಐದು ಬೆರಳಿನಿಂದ ಬಿದಿರನ್ನು ಮುರಿದು ಬಾಯಿಗೆ ಹಾಕಿಕೊಳ್ಳುತ್ತದೆ. ಪಾಂಡಾಗಳು 18 ರಿಂದ 25 ವರ್ಷಗಳವರೆಗೆ ಬದುಕಬಲ್ಲವು. ಪಾಂಡಾಗಳಿಗೆ ಎರಡು ಚರ್ಮಗಳಿರುತ್ತವೆ. ಒಳ ಮೈಮೇಲೆ ದಪ್ಪನೆಯ ಉಣ್ಣೆಯ ಹೊದಿಕೆಯಿದೆ. ಇದು ಪಾಂಡಾಗಳ್ನು ಚಳಿಯಿಂದ ರಕ್ಷಿಸುತ್ತದೆ.

ಹಿಮ ವೆಂದರೆ ಪ್ರೀತಿ.
ಹಿಮವೆಂದರೆ ಪಾಂಡಾಗಳಿಗೆ ತುಂಬಾ ಪ್ರೀತಿ. ಹಿಮವನ್ನು ಕಂಡರೆ ಚಿಕ್ಕಮಕ್ಕಂಳತೆ ಆಟವಾಡುತ್ತವೆ. ಪಾಂಡಾಗಳ ಮರಿಗಳು ಜನಿಸುವಾಗ ತುಂಬಾ ಚಿಕ್ಕದಾಗಿರುತ್ತವೆ. ಆಗ ಅದರ ತೂಕ ಕೇವಲ 120 ಗ್ರಾಂ. ಅದು ತನ್ನ ಮರಿಗಳನ್ನು ಮಾನವರಂತೆ ಕೈಗಳಿಂದ ಎತ್ತಿಕೊಂಡು ಹಾಲುಣಿಸುತ್ತದೆ. 40 ದಿನಗಳ ನಂತರ ಮರಿ ಕಣ್ಣುತೆರೆಯುತ್ತದೆ. ಮೂರನೆ ತಿಂಗಳಿಗೆ ತೆವಳುವುದನ್ನು ಕಲಿತ ಮರಿ 7ನೇ ತಿಂಗಳಿನಲ್ಲಿಯೇ ಓಡುವುದು ಮತ್ತು ಮರ ಹತ್ತುವುದರಲ್ಲಿ ಪರಿಣತಿ ಸಾಧಿಸುತ್ತದೆ. ಪಾಂಡಾದ ಮರಿಗಳು 18 ತಿಂಗಳ ತನಕ ತಾಯಿಯ ಸಂಗಡ ಇರುತ್ತವೆ.

ಸರ್ಕಾರವೇ ರಕ್ಷಿಸುತ್ತಿದೆ.
ಅಚ್ಚಕಪ್ಪು ಬಿಳಿ ಬಣ್ಣದ ಕೇವಲ ಒಂದು ಸಾವಿರ ಪಾಂಡಾಗಗಳು ಮಾತ್ರ ಇಂದು ಬದುಕಿವೆ. ಅಳಿವಿನಂಚಿಗೆ ತಲುಪಿರುವ ಜಗತ್ತಿನ ಅತೀ ವಿರಳ ಪ್ರಾಣಿಗಳ ಪಟ್ಟಿಗೆ ಪಾಂಡಾಗಳೂ ಸೇರಿವೆ. ಪಾಂಡಾಗಳನ್ನು ಅಳಿವಿನಂಚಿನಿಂದ ಕಾಪಾಡಲು ಚೀನಾ ಸರ್ಕಾರ ಪಾಂಡಾಗಳ ಬೇಟೆಯನ್ನು ನಿಷೇಧಿಸಿದೆ ಮತ್ತು ಇವುಗಳನ್ನು ಕಾಪಾಡುವ ಹೊಣೆಯನ್ನು ಹೊತ್ತುಕೊಂಡಿದೆ.   
 


 

ನೀರಿನಲ್ಲಿ ಈಜುವ ಪಕ್ಷಿ

ಪೆಂಗ್ವಿನ್ ಅಂದಕೂಡಲೇ ನೆನಪಾಗುವುದು ಅಂಟಾರ್ಟಿಕಾ ಖಂಡ. ಹೆಚ್ಚಿನ ಪೆಂಗ್ವಿನ್ ಗಳು ವಾಸಿಸುವುದು ಅಲ್ಲಿಯೇ. ಅದಲ್ಲದೇ ದಕ್ಷಿಣ ಆಫ್ರಿಕಾ, ದಕ್ಷಿಣ ಅಮೆರಿಕ, ಆಸ್ಟ್ರೇಲಿಯ, ನ್ಯುಜಿಲ್ಯಾಂಡಗಳಲ್ಲಿ ಮತ್ತು ದಕ್ಷಿಣ ದ್ರುವದ ಸಣ್ಣ ಪುಟ್ಟ ದ್ವೀಪಗಳಲ್ಲಿ ಇವು ಕಂಡುಬರುತ್ತದೆ. ಆದರೆ ಉತ್ತರಾರ್ಧ ಗೋಳದಲ್ಲಿ ಪೆಂಗ್ವಿನ್ ಗಳ ವಾಸ ಇಲ್ಲ.

 ಪೆಂಗ್ವಿನ್ ಒಂದು ವಿಶಿಷ್ಟ ಜಾತಿಯ ಪಕ್ಷಿ. ಎಲ್ಲಾ ರೀತಿಯ ಪರಿಸರಕ್ಕೂ ಇವು ಹೊಂದಿಕೊಂಡಿವೆ. ಸಮುದ್ರ ಮತ್ತು ಭೂಮಿ ಎರಡರ ಮೇಲೂ ಪೆಂಗ್ವಿನ್ ವಾಸಿಸ ಬಲ್ಲದು. ಹಾರುವ ಸಾಮರ್ಥ್ಯವನ್ನು ಪೆಂಗ್ವಿನ್ಗಳು ಲಕ್ಷಾಂತರ ವರ್ಷಗಳ ಹಿಂದೆಯೆ ಕಳೆದು ಕೊಂಡಿವೆ. ಆದರೆ ಇದರ ರೆಕ್ಕೆಗಳು ಈಜಾಡಲು ನೆರವಾಗುತ್ತಿವೆ. ಈಜುವಾಗ ರೆಕ್ಕೆಗಳು ದೋಣಿಯ ಹುಟ್ಟಿನಂತೆ ಕೆಲಸಮಾಡುತ್ತೆ. ತ್ರಿಕೋಣಾಕೃತಿಯ ಇವುಗಳ ದೇಹ ನೀರಿನಲ್ಲಿ ವೇಗವಾಗಿ ಈಜಲು ಸಹಾಯಕ. ನೀರಿನಲ್ಲಿ ಸರಾಗವಾಗಿ ಈಜಿದಂತೆಯೇ ಪೆಂಗ್ವಿನ್ ಮಾನವನಿಗಿಂತ ವೇಗವಾಗಿ ನಡೆದಾಡಬಲ್ಲವು. ನೀರಿನಲ್ಲಿರುವಾಗ 20 ನಿಮಿಷಗಳ ಕಾಲ ಉಸಿರನ್ನು ಹಿಡಿದಿಟ್ಟುಕೊಳ್ಳಬಲ್ಲವು. ಹಕ್ಕಿಯ ಜಾತಿಯಲ್ಲಿಯೇ ವೇಗವಾಗಿ ಈಜಬಲ್ಲ  ಮತ್ತು ನೀರಿನ ಆಳಕ್ಕೆ ಇಳಿಯಬಲ್ಲ ಪಕ್ಷಿ ಪೆಂಗ್ವಿನ್. ಇವು ಗಂಟೆಗೆ 32 ಕಿ.ಮೀ ವೇಗವಾಗಿ ಈಜುತ್ತವೆ.
 ಪೆಂಗ್ವಿನ್ ಜೀವಿತಾವಧಿಯ ಅರ್ಧ ಭಾಗವನ್ನು ಭೂಮಿಯ ಮೇಲೆ ಕಳೆದದರೆ ಉಳಿದ ಅರ್ಧ ಭಾಗವನ್ನು ಮಹಾಸಾಗರಗಳಲ್ಲಿ ಕಳೆಯುತ್ತವೆ. ನೀರಿನಲ್ಲಿಯ ಜೀವನಕ್ಕೇ ಹೆಚ್ಚಾಗಿ ಹೊಂದಿಕೊಂಡಿರುವ ಇವು ಹಾರಲಾರದ ಪಕ್ಷಿಗಳ  ಗುಂಪಿಗೆ ಸೇರಿದೆ. ಕೆಲವೇ ಕೆಲವು ಜಾತಿಯ ಆದರೆ, ಹೆಚ್ಚಿನ ಪೆಂಗ್ವಿನ್ಗಳು ದಕ್ಷಿಣಾರ್ಧಗೋಳದಲ್ಲಿ ವಾಸಿಸುತ್ತವೆ. ಹಲವಾರು ಜಾತಿಗಳು ಸಮಶೀತೋಷ್ಣ ವಲಯದಲ್ಲಿಯೂ ಕಂಡುಬರುತ್ತದೆ. ಜಗತ್ತಿನಲ್ಲಿ ಪೆಂಗ್ವನ್ ಗಳ  18 ಜಾತಿಗಳಿವೆ.

ಸಾಮ್ರಾಟ ಪೆಂಗ್ವಿನ್:
ಇವು ಅಂಟಾರ್ಟಿಕಾದಲ್ಲಿ ಮಾತ್ರ ಕಂಡುಬರುತ್ತದೆ. ಪೆಂಗ್ವಿನ್ಗಳಲ್ಲಿಯೇ ಅತೀ ದೊಡ್ಡ ಜೀವಂತ ಜಾತಿ ಇದಾಗಿದೆ. ಸಾಮ್ರಾಟ ಪೆಂಗ್ವಿನ್ 1.1 ಮೀಟರ್ (3 ಅಡಿ 7 ಇಂಚು) ನಷ್ಟು ಎತ್ತರ ಮತ್ತು 35 ಕೆ.ಜಿ ಅಥವಾ ಅದಕ್ಕಿಂತ ಹೆಚ್ಚು ಭಾರವಾಗಿರುತ್ತದೆ. ಸರಾಸರಿ 20 ರಿಂದ 40 ವರ್ಷ ಜೀವಿಸಬಲ್ಲದು. ಇದರ ಹೊಟ್ಟೆಯ ಭಾಗ ಬಿಳಿ ಮತ್ತು ಬೆನ್ನಿನ ಭಾಗ ಕಪ್ಪಾಗಿರುತ್ತದೆ. ಇದರ ಕಪ್ಪು ಬಿಳಿ ಪುಕ್ಕಗಳು ಅಂಗಿ ತೊಡಿಸಿದಂತೆ ಭಾಸವಾಗುತ್ತದೆ. ಮೀನು ಇವುಗಳಿಗೆ ಪ್ರೀತಿಯ ಆಹಾರ.

ನೀಲಿ ಬಣ್ಣದ ಪೆಗ್ವಿನ್:

ಪೆಂಗ್ವಿನ್ಗಳಲ್ಲಿಯೇ ಇದು ಅತೀ ಚಿಕ್ಕದು. 40 ಸೆಂಟಿಮೀಟರ್ ನಷ್ಟು ಎತ್ತರವಿದ್ದು, 1 ಕೆ.ಜಿ ತೂಗುತ್ತದೆ. ನ್ಯುಜಿಲ್ಯಾಂಡ್, ಆಸ್ಟ್ರೇಲಿಯದ ಕಡಲ ದಂಡೆಗಳಲ್ಲಿ ಕಂಡುಬರುತ್ತವೆ. 

ಹಳದಿ ಕಣ್ಣಿನ ಪೆಂಗ್ವಿನ್:
 ಇದು ತೀರಾ ಅಪರೂಪ. ಈ ಜಾತಿಯ ಕೇವಲ 5,000 ಪೆಂಗ್ವಿನ್ಗಳು ಮಾತ್ರ ಈಗ ಬದುಕಿವೆ. ನ್ಯುಜಿಲ್ಯಾಂಡ್ ಮತ್ತು ಅಕ್ಕಪಕ್ಕದ ದ್ವೀಪಗಳಲ್ಲಿ ಇವು ವಾಸವಾಗಿವೆ.

ಪರಂಪರೆ ಮುರಿಯಲ್ಲ:
ಇತರ ಪಕ್ಷಿಗಳಂತೆ  ಪೆಂಗ್ವಿನ್ ಸಹ ಗುಂಪಾಗಿ ವಾಸಿಸಲು ಇಷ್ಟಪಡುತ್ತದೆ. ತಮ್ಮದೇ ಆದ ದೊಡ್ಡ ಗುಂಪನ್ನು ಇವು ಹೊಂದಿರುತ್ತವೆ. ಗುಂಪಿನಲ್ಲಿ ಕರಾರುವಕ್ಕಾದ ನಡುವಳಿಕೆಗೆ ಪೆಂಗ್ವಿನ್ ಪ್ರಸಿದ್ಧ. ಒಂದು ಗೂಡಿನಲ್ಲಿ ನೂರಾರು ಪೆಂಗ್ವಿನ್ಗಳ ಗುಂಪು ವಾಸಿಸುತ್ತವೆ. ಸಾವಿರಾರು ವರ್ಷಗಳ ಕಾಲ ಒಂದೇ ಗೂಡಿನಲ್ಲಿಯೇ ಜೀವನ ಸಾಗಿಸುವುದು ಇವುಗಳ ಪರಂಪರೆ. ಗಂಡು ಪೆಂಗ್ವಿನ್ ಮೊಟ್ಟೆಗಳಿಗೆ ಕಾವು ಕೊಡುವ ಸಂದರ್ಭದಲ್ಲಿ ಅದು ಎರಡು ತಿಂಗಳು ಯಾವುದೇ ಅಹಾರ ತಿನ್ನುವುದಿಲ್ಲ. ಆಗ ಹೆಣ್ಣು ಪೆಂಗ್ವಿನ್ ಸಮುದ್ರದಲ್ಲಿರುತ್ತದೆ. ಹೆಣ್ಣು ಪೆಂಗ್ವಿನ್ ಬಂದ ನಂತರ ಮಕ್ಕಳ ಜವಾಬ್ದಾರಿಯನ್ನು ಅವುಗಳಿಗೆ ವಹಿಸಿ ಗಂಡು ಸಮುದ್ರಕ್ಕೆ ಜಾರುತ್ತದೆ. ಉಪವಾಸದಲ್ಲಿ ಕಳೆದು ಕೊಂಡಿದ್ದ ಮೈ ಕೊಬ್ಬಬನ್ನು ಗಂಡು ಪೆಂಗ್ವಿನ್ ಪುನಃ ಪಡೆದುಕೊಳ್ಳುತ್ತದೆ.
 ಮಾನವರ ಕಾಟ:
ಸಮುದ್ರದಲ್ಲಿ ಉಂಟಾಗುತ್ತಿರುವ ಮಾಲಿನ್ಯಗಳು ಪೆಂಗ್ವಿನ್ಗಳ ಜೀವಕ್ಕೆ ಅಪಾಯ ತಂದೊಡ್ಡಿದೆ. ಅನಿಲ ಸೋರಿಕೆ, ತಾಪಮಾನ ಹೆಚ್ಚಳ, ಅಕ್ರಮ ಮೀನುಗಾರಿಕೆ, ಆಹಾರ ಕೊರತೆ ಮುಂತಾದವುಗಳಿಂದ ಪೆಂಗ್ವಿನ್ಗಳಿಗೆ ಸಂಕಷ್ಟ ಎದುರಾಗಿದೆ. 


 

ಗೆದ್ದಲು ಹಳಗಳ ಮಣ್ಣಿನ ಅರಮನೆ

ಒಗ್ಗಟ್ಟಾಗಿದ್ದರೆ ಏನ್ನೆಲ್ಲಾ ಮಾಡಬಹುದು ಎಂಬುದಕ್ಕೆ ಗೆದ್ದಲು ಹುಳಗಳೇ ಸಾಕ್ಷಿ. ಕಟ್ಟಿಗೆ, ಪುಸ್ತಕ, ಪ್ಲಾಸ್ಟಿಕ್ ಹೀಗೆ ಸಿಕ್ಕಿದ್ದನ್ನೆಲ್ಲಾ ತಿನ್ನುವ ಗೆದ್ದಲು ಹುಳಗಳು ಪ್ರತೀ ವರ್ಷ ಉಂಟು ಮಾಡುವ ನಷ್ಟ ಎರಡು ನೂರು ಕೋಟಿ ಅಮೆರಿಕನ್ ಡಾಲರ್! ಗೆದ್ದಲು ಹುಳ ದಿನದ 24 ಗಂಟೆ, ವಾರದ 7 ದಿನವೂ ಇನ್ನುತ್ತಲೇ ಇರುತ್ತದೆ. ಭೂಮಿಯಲ್ಲಿರುವ ಎಲ್ಲಾ ಗೆದ್ದಲು ಹುಳಗಳನ್ನು ತೂಕಹಾಕಿದರೆ ಮಾನವರ ತೂಕ ಏತಕ್ಕೂ ಸಾಕಾಗುವುದಿಲ್ಲ. ಇನ್ನು ಅವುಗಳ ಸಂಖ್ಯೆ ಎಷ್ಟಿದೆ ಎನ್ನುವುದನ್ನು ಅಂದಾಜಿಸುವುದು ಸಾಧ್ಯವೇ? 

ಸಂಘಜೀವನ
ಬಿಳಿ ಇರುವೆ ಎಂದು ಕರೆಯಲ್ಪಡುವ ಗೆದ್ದಲು ಹುಳಗಳು ಇರುವೆಗಳಂತಯೇ ಸಂಘಟಿತ ಕುಟುಂಬ ಜೀವಿಗಳಾದರೂ ಇರುವೆಗಳ ಗುಂಪಿಗೆ ಸೇರಿಲ್ಲ. ಇರುವೆ, ಜೇನು, ಕೊಣಜ, ಮೊದಲಾದ ಕೀಟಗಳು ಅತ್ಯುತ್ತಮ ಸಂಘಜೀವನ ನಡೆಸುತ್ತವೆ. ಅದೇ ಜಾತಿಗೆ ಗೆದ್ದಲು ಹುಳಗಳೂ ಸೇರಿವೆ. ಗುಂಪಿನ ಎಲ್ಲಾ ಜೀವಿಗಳು ದುಡಿಯುವುದು ಸಮುದಾಯದ ಹಿತಕ್ಕಾಗಿ. ಒಂದು ಪರಿವಾರದಲ್ಲಿ ಲಕ್ಷಾಂತರ ಹುಳಗಳಿರುತ್ತವೆ. ಸುಮಾರು 3 ಸಾವಿರದಷ್ಟು ಜಾತಿಯ ಗೆದ್ದಲು ಹುಳಗಳನ್ನು ಪ್ರಾಣಿ ಶಾಸ್ತ್ರಜ್ಞರು ಗುರುತಿಸಿದ್ದಾರೆ. ಇವು 50 ಮಿಲಿಯನ್ ವರ್ಷಗಳಿಂದಲೂ ವಾಸವಾಗಿವೆ. ಉಷ್ಣವಲಯ, ಸಮಶೀತೋಷ್ಣವಯಗಳಲ್ಲಿ  ಹೆಚ್ಚಾಗಿ ಕಂಡುಬರುತ್ತವೆ. ಮರಗಟ್ಟುಗಳ ಮೇಲೆ, ಒಣಗಿಬಿದ್ದ ದಿಮ್ಮಿಗಳ ಕೆಳಗೆ, ಭೂಮಿಯೊಳಗೆ ಇವು ಗೂಡು ಕಟ್ಟುವುದು ಸಾಮಾನ್ಯ. ಕೆಲವು ಜಾತಿಯ ಗೆದ್ದಲುಗಳು 20 ಅಡಿಗಿಂತಲೂ ಹೆಚ್ಚು ಎತ್ತರದ ಹುತ್ತ ನಿರ್ಮಿಸಬಲ್ಲವು.

ವಿಧಗಳು:
 ಇದರ ಪರಿವಾರದಲ್ಲಿ ಮುಖ್ಯವಾಗಿ, ರಾಜವಂಶ, ಕೆಲಸಗಾರ, ಸೈನಿಕ ಎಂಬ ಮೂರು ಜಾತಿಗಳಿರುತ್ತವೆ.
ರಾಜವಂಶ: ಪರಿವಾರದಲ್ಲಿ ಇವುಗಳ ಸಂಖ್ಯೆ ಕಡಿಮೆ. ಸಂತಾನೋತ್ಪತ್ತಿ ಮಾಡುವುದೇ ಇವುಗಳ ಪ್ರಮುಖ ಕಾರ್ಯ. ರಾಣಿಯ ಗಾತ್ರ ಎಲ್ಲರಿಗಿಂತ ದೊಡ್ಡದು. ರಾಜನ ಗಾತ್ರ ಸ್ವಲ್ಪ ಚಿಕ್ಕದಿರುತ್ತದೆ. ರಾಜ ಅಥವಾ ರಾಣಿಯಾಗಲು ಸಾಮರ್ಥ್ಯವಿರುವ ಸಂತಾನೋತ್ಪತ್ತಿ ಮಾಡಬಲ್ಲ ಹುಳಗಳು ಈ ವಂಶಕ್ಕೆ ಸೇರಿವೆ. ರಾಣಿ ಒಂದು ದಿನಕ್ಕೆ  ಸಾವಿರಾರು ಮೊಟ್ಟೆಗಳನ್ನು ಇಡಬಲ್ಲದು. ಗೂಡಿನ ಎಲ್ಲಾ ಚಟುವಟಿಕೆಗಳ ನಿಯಂತ್ರಣ ರಾಣಿ ಹೊರಸೂಸುವ ಪೆರಾಮೋನ್ ಗಳಿಂದ ನಡೆಯುತ್ತದೆ.
ಕೆಸಗಾರ: ಗೂಡಿನ ಎಲ್ಲಾ ಕೆಲಸ ಕಾರ್ಯಗಳ ನಿರ್ವಹಣೆ ಕೆಲಸಗಾರ ಗೆದ್ದಲಗಳ ಹೊಣೆ. ಆಹಾರ ಸಂಗ್ರಹಣೆ, ಸಂಗ್ರಹಿಸಿದ ಆಹಾರವನ್ನು ಮರಿಗಳಿಗೆ, ರಾಜರಾಣಿಯರಿಗೆ, ಸೈನಿಕರಿಗೆ ತಿನ್ನಿಸುವುದು, ಗೂಡು ನಿರ್ಮಿಸುವುದು, ಗೂಡನ್ನು ಸ್ವಚ್ಛಗೊಳಿಸುವುದು, ಮರಿಗಳನ್ನು ಬೆಳೆಸುವುದು ಎಲ್ಲಾ ಕೆಲಸಗಳು ಲಕ್ಷಗಟ್ಟಲೇ ಸಂಖ್ಯೆಯಲ್ಲಿರುವ ಕೆಲಸಗಾರರದ್ದು. ಆದರೆ ಇವು ಸಂತಾನೋತ್ಪತ್ತಿ ಮಾಡಲಾರವು.
ಸೈನಿರು: ತಮ್ಮ ಗೂಡುಗಳ ರಕ್ಷಣೆ ಇವುಗಳ ಹೊಣೆ. ಸೈನಿಕರ ದೇಹ ರಚನೆಯೇ ವಿಭಿನ್ನ. ತಮ್ಮ ಪ್ರಮುಖ ಎದುರಾಳಿಗಳಾದ ಇರುವೆಗಳ ಸೈನ್ಯವನ್ನು ಮಟ್ಟಹಾಕಲು ವಿಷದ ಜೊಲ್ಲು, ಗಟ್ಟಿಮುಟ್ಟಾದ ಎದಿರು ದವಡೆಯನ್ನು ಹೊಂದಿರುತ್ತದೆ. ಗೂಡಿನಿಂದ ಹೊರಹೋಗುವ ದಾರಿಯಲ್ಲಿ ಒತ್ತೊತ್ತಾಗಿ ಸರದಿ ಪ್ರಕಾರ ನಿಲ್ಲುವ ಜಾಯಮಾನ ಇವರದ್ದು, ಮೊದಲನೇ ಸೈನಿಕ ಹೋರಾಡಿ ಸತ್ತರೆ ಎರಡನೇಯದರ ಸರದಿ. ಒಂದು ಕ್ರಿಮಿ ಕೀಟವನ್ನು ಒಳಗೆ ಬಿಡದೇ ಇಡೀ ಅರಮನೆಗೆ ಕಾವಲಾಗುವುದು ಈ ಪುಟ್ಟ ಸೈನ್ಯ.

ಪ್ರಾಯದಲ್ಲಿ ರೆಕ್ಕೆ:
ಗೆದ್ದಲು ಹುಳುಗಳಿಗೆ ಪ್ರಾಯದಲ್ಲಿ ರೆಕ್ಕೆ ಮೂಡುತ್ತದೆ. ಬೇಸಿಗೆಯ ಮೊದಲದ ಮಳೆ ಬೀಳುತ್ತಿದ್ದಂತೆ ರೆಕ್ಕೆಹೊಂದಿದ ಪುಟ್ಟಕೀಟಗಳು ಸಾವಿರಾರು ಸಂಖ್ಯೆಯಲ್ಲಿ ಬೆಳಕಿನೆಡೆಗೆ ಬರುತ್ತವೆ. ಮಳೆಹುಳು ಎಂದು ಕರೆಯಲ್ಪಡುವ ಇವು ರೆಕ್ಕೆಮೂಡಿದ ಗೆದ್ದಲುಗಳು. ಹೊಸ ಸಂಸಾರ ಹೂಡಲು ತಯಾರಾಗುವ ವಯಸ್ಸಿಗೆ ಬಂದ ಗೆದ್ದಲುಗಳಿಗೆ ಮಾತ್ರ ರೆಕ್ಕೆ ಮೂಡುತ್ತದೆ. ತಂಪಾದ ವಾತಾವರಣವಿದ್ದಾಗ ಇವು ಗಡಿನಿಂದ ಹೊರಗೆ ಹಾರುತ್ತವೆ.

ಮಣ್ಣಿನ ಅರಮನೆ:
ಮಣ್ಣನ್ನು ಹದಮಾಡಿ ಹುತ್ತ ನಿರ್ಮಿಸುವ ಕಲೆ ಗೆದ್ದಲು ಹುಳಗಳಿಗೆ ಕರಗತ. ಹುತ್ತದ ಮೇಲ್ಮೆ ಚೂಪಾಗಿರುವ ಕಾರಣ ಸೂರ್ಯನ ಕಿರಣಗಳು ಹುತ್ತದ ಒಳ ಪ್ರವೇಶಿಸುವುದಿಲ್ಲ. ಹುತ್ತದೊಳಗೆ ಹವಾನಿಯಂತ್ರಿತ ವ್ಯವಸ್ಥೆ ಇರುತ್ತದೆ. ಹೆಚ್ಚು ಶಾಖ ಮತ್ತು ಬೆಳಕನ್ನು ಇದರ ಮೃದುವಾದ ದೇಹ ಸಹಿಸುವುದಿಲ್ಲ. ಹೀಗಾಗಿ ತೇವಾಂಶ ಯುಕ್ತವಾದ ಮರದಕಾಂಡಗಳಲ್ಲಿ, ಮನೆಯ ಗೋಡೆಗಳಮೇಲೆ ಮತ್ತು ಭೂಮಿಯೊಳಗೂ ಗೆದ್ದಲು ಗೂಡು ಕಟ್ಟುತ್ತದೆ. ಭೂಮಿಯೊಳಗೆ ಇವುಗಳ ಗೂಡು ಅನೇಕ ಅಡಿಗಳಷ್ಟು ಆಳವಾಗಿರುತ್ತದೆ. ಅದರಲ್ಲಿ ರಾಜರಾಣಿಯರಿಗೆ, ಮರಿಗಳಿಗೆ, ಆಹಾರ ಸಂಗ್ರಹಣೆಗೆ ಪ್ರತ್ಯೇಕ ಕೋಣೆಗಳು. ಓಡಾಡಲು ಪ್ಯಾಸೇಜ್ ಎಲ್ಲವನ್ನೊಳಗೊಂಡಿರುತ್ತದೆ. ಹುತ್ತಗಳನ್ನು ಮಣ್ಣು, ಜೊಲ್ಲುರಸ ಮತ್ತು ತನ್ನದೇ ಮಲ ಬಳಸಿ ನಿರ್ಮಿಸುತ್ತದೆ. ಹುತ್ತ ಅನೇಕ ಸೂಕ್ಷ್ಮ ರಂದ್ರಗಳಿಂದ ಕೂಡಿರುವುದರಿಂದ ಒಳಗಿನ ವಾತಾವರಣ ತಂಪಾಗಿರುತ್ತದೆ. ಹೀಗಾಗಿಯೇ ತಂಪಾದ ಪರಿಸರವನ್ನು ಪ್ರೀತಿಸುವ ಹಾವುಗಳು ಹುತ್ತದಲ್ಲಿನ ಗೆದ್ದಲುಗಳನ್ನು ಒಕ್ಕಲೆಬ್ಬಿಸಿ ಮನೆ ಮಾಡಿಕೊಂಡಿರುತ್ತವೆ.




 

ಜೇನಿನ ಸಂಜೀವನ

ಒಗ್ಗಟ್ಟಿನಲ್ಲಿ ಬಲವಿದೆ ಎನ್ನುವ ಮಾತಿನ ಅರ್ಥವನ್ನು ಜೇನುಹುಳುಗಳಿಂದ ಕಲಿಯಬೇಕು. ಇವುಗಳದ್ದು ಒಂದು ಅದ್ಭುತ ಪ್ರಪಂಚ. ಮನುಷ್ಯನ ಜೀವನಕ್ಕೆ ಹೋಲುವ ಹಲವಾರು ಸಂಗತಿಗಳನ್ನು ಪ್ರಕೃತಿ ಇವುಗಳಿಗೆ ನೀಡಿದೆ. ಯಂತ್ರಗಳ ಬಳಕೆಯನ್ನು ಹೊರತುಪಡಿಸಿ ಮಿಕ್ಕೆಲ್ಲವೂ ಜೇನಿನ ಪ್ರಪಂಚದಲ್ಲಿ ಹಾಸು ಹೊಕ್ಕಾಗಿವೆ.

ಸಾರ್ಮಾಜ್ಯಕ್ಕೆ ಒಬ್ಬಳೇ ರಾಣಿ:
ಜೇನುಹಳು ಹಪೀಸ್ ಎನ್ನುವ ಕೀಟಗಳ ವಂಶಕ್ಕೆ ಸೇರಿದ ನೊಣ. ಇದು ಎಲ್ಲಾ ಋತುವಿನಲ್ಲೂ ತುಪ್ಪವನ್ನು ಸಂಗ್ರಹಿಸುತ್ತವೆ. ಇವು ಜೇನನ್ನು ಸಂಗ್ರಹಿಸುವ ಕ್ರಿಯೆಯೇ ರೋಚಕ. ಒಂದು ಜೇನು ಗೂಡಿನಲ್ಲಿರುವ ಹುಳಗಳು ಒಂದು  ಕಿಲೋ ಜೇನು ಸಂಗ್ರಹಿಸಲು 90 ಸಾವಿರ ಮೈಲಿಯನ್ನು ಕ್ರಮಿಸುತ್ತವೆ. ಅಂದರೆ ಇದು ಭೂಮಿಯ ಪರಿಧಿಯನ್ನು ಮೂರು ಬಾರಿ ಸುತ್ತಿದ್ದಕ್ಕೆ ಸಮ. ಈ ಒಂದು ಉದಾಹರಣೆಯೇ ಜೇನಿನ ಕಾರ್ಯಕ್ಷಮತೆಗೆ ಸಾಕ್ಷಿ. ಒಂದು ಜೇನುಹುಳು ತನ್ನ ಪೂರ್ಣ ಜೀವಿತಾವಧಿಯಲ್ಲಿ ಸರಾಸರಿ ಒಂದು ಚಮಚದ 1/12ರಷ್ಟು ಜೇನು ತುಪ್ಪ ಸಂಗ್ರಹಿಸುತ್ತದೆ. ಒಂದು ಜೇನು ಗೂಡಿನಲ್ಲಿ  20 ರಿಂದ 60 ಸಾವಿರ ಜೇನು ಹುಳಗಳು ವಾಸಮಾಡುತ್ತದೆ. ಈ ಸಾರ್ಮಾಜ್ಯ ಆಳುವುದು ಒಂದೇ ರಾಣಿಜೇನು. ಗೂಡಿನಲ್ಲಿ ಹೆಣ್ಣು ಜೇನು ಮಾತ್ರ ಕೆಲಸಗಾರ ಹುಳಗಳು. ಇವು ಬದುಕಿರುವುದು ಆರು ತಿಂಗಳು ಮಾತ್ರ. 

ಇಷ್ಟರಲ್ಲಿಯೇ ಎಲ್ಲಾ ಕೆಲಸವನ್ನು ಮಾಡುತ್ತವೆ. ಜೇನುಹುಳು ಒಂದು ತೊಟ್ಟು ಜೇನನ್ನು ಸಂಗ್ರಹಿಸಲು 50 ರಿಂದ 100 ಹೂಗಳ ಮಕರಂದ ಸಂಗ್ರಹಿಸುತ್ತದೆ. ಜೇನುಹುಳು 170 ರೀತಿಯ ಹೂವುಗಳ ಮಕರಂದವನ್ನು ಬೇರ್ಪಡಿಸಿ ಸಂಗ್ರಹಿಸಬಲ್ಲವು. ಗಂಡು ಹುಳು ಯಾವುದೇ ಕೆಲಸ ಮಡುವುದಿಲ್ಲ. ಇದು ಹೆಣ್ಣಿಗಿಂತಲೂ ದೊಡ್ಡದಾಗಿರುತ್ತದೆ. ರಾಣಿಯ ಸೇವೆಮಾಡುವುದೇ ಇವುಗಳ ಮುಖ್ಯ ಕೆಲಸ. ರಾಣಿ ಜೇನು 5ವರ್ಷ ಬದುಕಿರುತ್ತದೆ. ಇದು ಬೇಸಿಗೆಯಲ್ಲಿ ತುಂಬಾ ಬ್ಯುಸಿ. ಗೂಡಿನಲ್ಲಿ ಕೆಲಸಗಾರರ ಸಂಖ್ಯೆ ಕಡಿಮೆಯಾದಾಗ ಒಂದೇ ದಿನ 2500 ಮೊಟ್ಟೆಗಳನ್ನು  ಇಡುತ್ತದೆ. ಗುಡಿನಲ್ಲಿ ಸಂತಾನ ಸಾಮಥ್ರ್ಯ ಇರುವುದು ರಾಣಿಗೆ ಮಾತ್ರ. ಗೂಡಿನ ಸದಸ್ಯರನ್ನು ಗುರುತಿಸಲು ಪ್ರತಿ ಗೂಡಿಗೂ ಅದರದೇ ಆದ ವಾಸನೆಯಿರುತ್ತದೆ. ಹೀಗಾಗಿ ಗೂಡಿಗೆ ಬೇರೆ ಯಾರೇ ಬಂದರೂ ಪ್ರವೇಶ ನಿಷಿದ್ಧ.

ಆಹಾರಕ್ಕಾಗಿ ಜೇನು ಸಂಗ್ರಹಣೆ:
ಜೇನುಹುಳುವಿನ ರೆಕ್ಕೆಗಳು ಬಲಿಷ್ಠ ಮತ್ತು ವೇಗವಾಗಿರುತ್ತದೆ. ಇದಕ್ಕೆ ಸಾಮಾನ್ಯ ಹುಳುವಿನಂತೆ ಆರು ಕಾಲು ಆದರೆ ಐದು ಕಣ್ಣು ಮತ್ತು ಎರಡು ಜೊತೆ ರೆಕ್ಕೆಗಳಿರುತ್ತದೆ.  ಈ ರೆಕ್ಕೆಗಳು ಒಂದು ಸೆಕೆಂಡಿಗೆ 200 ಬಾರಿ ಕಂಪಿಸುವುದರಿಂದ ಬಜ್..... ಎನ್ನುವ ಶಬ್ದಹೊರಡುತ್ತದೆ. ಇವು ಒಂದು ಗಂಟೆಗೆ 15 ಮೈಲಿದೂರ ಹಾರಬಲ್ಲದು. ವಿಶೇಷವೆಂದರೆ ಜೇನು ಹುಳು ಎಂದಿಗೂ ನಿದ್ದೆ ಮಾಡುವುದಿಲ್ಲ. ಜೇನುಹುಳು ಮರಿಗಳಿಗಾಗಿ ಆಹಾರಕ್ಕಾಗಿ ಜೇನನ್ನು ಸಂಗ್ರಹಿಸುತ್ತದೆ. ಚಳಿಗಾಲದಲ್ಲಿ ಹೂವಿನ ಮಕರಂದ ಸಿಗದ ಕರಣ ಈ ಋತುವಿನಲ್ಲಿ ಮಾತ್ರ ತಾನು ಸಂಗ್ರಹಿಸಿದ ಜೇನನ್ನು ಕುಡಿಯುತ್ತದೆ.
 
 ಜೀವಾಮೃತ : 

ಜೇನು ಒಂದು ಜೀವಾಮೃತ. ಮಾನವನಿಗಾಗಿ ಆಹಾರ ನೀಡುವ ಕೆಲವೇ ಕೆಲವು ಕೀಟಗಳಲ್ಲಿ ಜೇನು ಸಹ ಒಂದು. ಇದರಲ್ಲಿರುವ ಔಷಧಿಯ ಗುಣಗಳು ಅಗಾಧ. ಜೇನು ತುಪ್ಪ ಸಕ್ಕರೆಗಿಂತ ಸಿಹಿ. ಇದರಲ್ಲಿ ಅನೇಕ ರಾಸಾಯನಿಕಗಳು ಇರುವುದರಿಂದ ವರ್ಷಗಟ್ಟಲೆ ಇಟ್ಟರೂ ಕೆಡುವುದಿಲ್ಲ. ಜೇನಿನಲ್ಲಿ ಪ್ರೋಟೀನ್, ವಿಟಮಿನ್, ಎಂಜೈಮ್ ಮತ್ತು ನೀರು ಮಿಳಿತವಾಗಿರುತ್ತದೆ. ಕೆಲಸಗಾರ ಹುಳಗಳು ಪರಾಗ ಚೀಲದಲ್ಲಿ ಸಂಗ್ರಹಿಸಿ ತಂದ ಹೂವಿನ ಮಕರಂದವನ್ನು ತೆರೆದ ಹುಟ್ಟಿನ ಕವಾಟದಲ್ಲಿ ಸಂಗ್ರಹಿಸುತ್ತದೆ. ರೆಕ್ಕೆಗಳ ಗಾಳಿಗೆ ಇದರಲ್ಲಿನ ನೀರಿನ ಅಂಶ ಆವಿಯಾಗಿ ಗಟ್ಟಿಯಾದ ಜೇನು ಸಿದ್ಧಗೊಳ್ಳುತ್ತದೆ. ಜೇನು ಹೂವಿನ ಮಕರಂದವನ್ನು ಹೀರುವಾಗ ಪರಾಗ ಸ್ಪರ್ಶದ ಮೂಲಕ ಸಸ್ಯಗಳ ಅಭಿವೃದ್ಧಿಗೆ ನೆರವಾಗುತ್ತದೆ. ಬಹುತೇಕ ಹೂವಿನ ಸಸ್ಯಗಳು ಜೇನುಹುಳದ ಪರಾಗ ಸ್ಪರ್ಶದಿಂದಲೇ ಬೆಳವಣಿಗೆಯಾಗುತ್ತದೆ.


ಹೆಜ್ಜೇನು ಅಥವಾ ಕಾಡು ಜೇನು. 
 ಈ ಪ್ರಭೇಧ ಸಾಮಾನ್ಯವಾಗಿ ಭಾರತ, ಶ್ರೀಲಂಕ, ಪಾಕಿಸ್ತಾನ, ಇಂಡೋನೇಷಿಯಾ, ಥೈಲ್ಯಾಂಡ್, ಮಲೇಷಿಯ ಮುಂತಾದ ದೇಶಗಳ ಕಾಡುಗಳಲ್ಲಿ ಕಂಡುಬರುತ್ತದೆ.  ಇವು ಹೆಚ್ಚಾಗಿ ಎತ್ತರವಾದ ಮರಗಳ ಬೀಸು ಕೊಂಬೆಗಳ ಮೇಲೆ, ಕಟ್ಟಡಗಳು, ಕಲ್ಲು ಬಂಡೆಗಳು ನೀರಿ ಟ್ಯಾಂಕ್ಗಳ ಮೇಲೆ ಗೂಡುಕಟ್ಟುತ್ತದೆ. ಜೇನು ಹುಳು ಕಚ್ಚಿದರೆ ಅದು ತನ್ನ ಮಕರಂದ ಹೀರುವ ಅಂಬನ್ನು ಮೈಗೆ ಚುಚ್ಚಿ ಹೊರಟು ಹೋಗುತ್ತದೆ. ಹೀಗಾಗಿ ಕಚ್ಚಿದ ಕೆಲವೇ ನಿಮಿಷದಲ್ಲಿ ಜೇನುಹುಳು ಪ್ರಾಣ ಬಿಡುತ್ತದೆ. 


 

ಕಾಮನಬಿಲ್ಲಿನ ಗುಟ್ಟಿನ ಕಥೆ

• ಮೂಡುವುದು ಹೇಗೆ?

 ಇದೊಂದು ಶತಶತಮಾನಗಳ ವಿದ್ಯಮಾನ. ಸೂರ್ಯನ ಬೆಳಕು ಸಣ್ಣ ನೀರಿನ ಹನಿಗಳ ಮೇಲೆ ಬಿದ್ದಾಗ ಬೆಳಕು ಏಳು ಬಣ್ಣಬಳ ಪಟ್ಟಿಯಾಗಿ ಒಡೆಯುತ್ತದೆ. ಇದೇ ಮಳೆಲ್ಲು ಅಥವಾ ಕಾಮನಬಿಲ್ಲು. ಲಕ್ಷಾಂತರ ಸಣ್ಣ ಸಣ್ಣ ನೀರಿನ ಹನಿಗಳ ಪ್ರತಿಫಲನದಿಂದ ಇದು ರೂಪಗೊಳ್ಳುತ್ತದೆ. ನೀರಿನ ಹನಿಗಳು ಬೆಳಕಿನ ಕಿರಣವನ್ನು ಏಳು ಬಣ್ಣದ ಪಟ್ಟಿಯಾಗಿ ಒಡೆಯುವ ಪಟ್ಟಕದಂತೆ ಕಾರ್ಯಮಾಡುತ್ತದೆ. ಇದರಲ್ಲಿ ಕ್ರಮವಾಗಿ ಕೆಂಪು, ಕಿತ್ತಳೆ, ಹಳದಿ, ಹಸಿರು, ನೀಲಿ, ಉದಾ ನೀಲಿ ಮತ್ತು ನೇರಳೆ ಬಣ್ಣಗಳಿರುತ್ತದೆ. ಕಾಮನಬಿಲ್ಲಿನಲ್ಲಿ  ಏಳು ಬಣ್ಣಗಳು ಅಡಗಿವೆ ಎನ್ನುವುದನ್ನು ಖ್ಯಾತ ವಿಜ್ಞಾನಿ ಸರ್ ಐಸಾಕ್ ನ್ಯೂಟನ್ ಮೊದಲಬಾರಿಗೆ ಕಂಡುಹಿಡಿದ. ಮಳೆಯನ್ನು ಹೊರತು ಪಡಿಸಿ ಮಂಜು, ತುಂತುರುಹನಿ, ಇಬ್ಬನಿಗಳ ಮೇಲೆ ಬೆಳಕು ಬಿದ್ದಾಗಲೂ ಕಾಮನಬಿಲ್ಲು ಕಾಣಿಸುತ್ತದೆ. ಕೃತಕ ವಾತಾವರಣ ನಿರ್ಮಿಸಿ ಸಹ ಕಾಮನಬಿಲ್ಲನ್ನು ಮೂಡಿಸಬಹುದು. ಜಲಪಾತಗಳು ಮತ್ತು ಕಾರಂಜಿಯ ಸಮೀಪದಲ್ಲಿಯೂ ಮಳೆಬಿಲ್ಲಿನ ಪರಿಣಾಮ ಕಾಣಸಿಗುತ್ತದೆ. ಮಳೆ ಸುರಿಯುತ್ತಿರುವಾಗ  ಮೋಡದಿಂದಾಗಿ ಅರ್ಧದಷ್ಟು ಆಕಾಶದಲ್ಲಿ ಕತ್ತಲೆ ಆವರಿಸಿದ್ದರೆ ಇನ್ನರ್ಧ ಆಕಾಶದಲ್ಲಿ ಸೂರ್ಯನ ಬೆಳಕಿದ್ದಾಗ ಮಳೆಬಿಲ್ಲು ನಯನ ಮನೋಹರವಾಗಿ ರೂಪಗೊಳ್ಳೂತ್ತದೆ. ಕಾಮನಬಿಲ್ಲನ್ನು ನೋಡುವಾಗ ಸೂರ್ಯ ನಮ್ಮ ಹಿಂದಿನಿಂದ ಬೆಳಗುತ್ತಿರುತ್ತಾನೆ. ಕಾಮನಬಿಲ್ಲು ಮೂಡಬೇಕೆಂದರೆ ಬಿಸಿಲು ಮತ್ತು ಮಳೆ ಒಟ್ಟಿಗೆ ಸೇರಬೇಕು. ಆಕಾಶದಲ್ಲಿ ಬೃಹದಾಕಾರದ ಬಣ್ಣದ ಕಮಾನು ನಿಲ್ಲಿಸಿದಂತೆ ಭಾಸವಾಗುವ ಕಾಮನಬಿಲ್ಲಿನ ಪೂರ್ಣಭಾಗ ನಮಗೆ ಗೋಚರಿಸುವುಲ್ಲ. ಆದರೆ ವಿಮಾನದಲ್ಲಿ ಹಾರಾಡುತ್ತಿರುವಾಗ ಪೂರ್ಣ ಗೋಳಾಕಾರದ ಕಾಮನಬಿಲ್ಲನ್ನು ವೀಕ್ಷಿಸಲು ಸಾಧ್ಯ. ದಕ್ಷಿಣ ಆಫ್ರಿಕಾ ಮಳೆಬಿಲ್ಲಿನ ದೇಶ ಎಂದೇ ಹೆಸರುವಾಸಿ.

•  ಪ್ರತಿಫಲನ ಮಳೆಬಿಲ್ಲು ಅಂದರೇನು?

ಕಾಮನಬಿಲ್ಲಿನಲ್ಲಿಯೂ ವೈವಿಧ್ಯತೆ ಇದೆ. ಸಮುದ್ರ ಅಥವಾ ಜಲರಾಶಿಯ ಮೇಲೆ ಕಾಮನಬಿಲ್ಲು ಮೂಡಿದಾಗ ಪ್ರತಿಫಲನ ಮಳೆಬಿಲ್ಲು ಕಾಣಸಿಗುತ್ತದೆ. ಸೂರ್ಯನ ಬೆಳಕು ನೀರಿನ ಹನಿಗಳಿಂದ ಪ್ರತಿಫಲನವಾಗಿ ನಮಗೆ ತಲುಪುವ ಪೂರ್ವದಲ್ಲಿಯೇ ನದಿಯ ಮೇಲೆ ಬಿದ್ದು ಅದರಿಂದ ಪ್ರತಿಫಲನವಾಗಿ ಇನ್ನೊಂದು ಮಳೆಬಿಲ್ಲು ಅದರ ಪಕ್ಕದಲ್ಲಿಯೇ ಕಾಣಿಸಿಕೊಳ್ಳುತ್ತದೆ. ನೋಡುವಾಗ ಎರಡೂ ಬಿಲ್ಲುಗಳು ಒಮ್ಮಲೇ ಮೂಡಿಂದಂತೆ ಭಾಸವಾಗುತ್ತದೆ. ಸಣ್ಣದಾದ ಕೊಳಕು ನೀರಿನ ಹಳ್ಳದಲ್ಲಿಯೂ ಇದು ಗೋಚರಿಸುತ್ತದೆ.

• ಹೆಚ್ಚುವರಿ ಮಳೆಬಿಲ್ಲು:

ಇದೊಂದು ವಿರಳ ವಿದ್ಯನಾನ. ಪ್ರಧಾನ ಮಳೆಬಿಲ್ಲಿಗೆ ತಾಗಿಕೊಂಡಂತೆ ತಳಭಾಗದಲ್ಲಿ ಹೆಚ್ಚುವರಿಯಾಗಿ ನೀಲಿಬಣ್ಣದ ಇನ್ನೊಂದು ಪಟ್ಟಿ ಮಸುಕಾಗಿ ಕಂಡುಬರುತ್ತದೆ ಇದೇ ಹೆಚ್ಚುವರಿ ಮಳೆಬಿಲ್ಲು.

• ಕೇವಲ ತಾತ್ಕಾಲಿಕ.

ಮಳೆಬಿಲ್ಲು ಬೆಳಕಿನ ವಕ್ರೀಭವನನದ ಪರಿಣಾಮ. ಭೂಮಿಯಿಂದ 42 ಡಿಗ್ರಿ ಕೋನದಲ್ಲಿ ಕಾಮನಬಿಲ್ಲು ಮೂಡತ್ತದೆ. ಸೂರ್ಯ ಭೂಮಿಗೆ ಹತ್ತಿರವಾಂದಂತೆಲ್ಲಾ ದೊಡ್ಡ ಗಾತ್ರದ ಕಾಮನಬಿಲ್ಲು ಗೋಚರವಾಗುತ್ತದೆ. ಮಧ್ಯಾಹ್ನ ವೇಳೆಯಲ್ಲಿ ಕಾಮನಬಿಲ್ಲು ಮೂಡುವುದಿಲ್ಲ. ಮಳೆಬಿಲ್ಲು ಎಲ್ಲಿ ಹುಟ್ಟಿದೆ ಎಂದು ಗುರುತಿಸುವುದು ಅಸಾಧ್ಯ. ನೋಡುಗನಲ್ಲಿ ಭ್ರಮಾಲೋಕವನ್ನೇ ಇದು ಸೃಷ್ಟಿಸುತ್ತದೆ. ಆದರೂ ಇದೊಂದು ತಾತ್ಕಾಲಿಕ ಪ್ರಕ್ರಿಯೆ. ಬಾನಂಗಳದಲ್ಲಿ ಕೆಲವೇ ನಿಮಿಷಗಳಷ್ಟೇ ಬಣ್ಣವನ್ನು ಚಲ್ಲಿ ಲೀನವಾಗುತ್ತದೆ. ನಮ್ಮ ಕಣ್ಣೆದುರೇ ಕಾಮಬಿಲ್ಲು ರೂಪಗೊಂಡಂತೆ ಭಾಸವಾದರೂ ಮುಂದೆಸಾಗಿದಂತೆ ಇನ್ನೂ ಮುಂದೆ ಸಾಗಿ ಒಮ್ಮಲೇ ಕಣ್ಮರೆಯಾಗುತ್ತದೆ. ಕೆಲವೊಮ್ಮೆ ಪ್ರಕಾಶಮಾನವಾದ ಬೆಳದಿಂಗಳಿನಲ್ಲಿಯೂ ಅಪರೂಪವಾಗಿ ಚಂದ್ರನ ಸುತ್ತ ಕಾಮನಬಿಲ್ಲು ಉಂಟಾಗುತ್ತದೆ. ಅಷ್ಟೇ ಅಲ್ಲ ಅನ್ಯಗ್ರಹಗಳಲ್ಲಿಯೂ ಕಾಮನಬಿಲ್ಲು ಮೂಡುತ್ತದೆ. ಉದಾಹರಣೆಗೆ ಶನಿಗ್ರಹದ ಉಪಗ್ರಹ ಟೈಟನ್ ಮೇಲ್ಮೈ ಒದ್ದೆಯಾದ ಮೋಡಗಳಿದ ತುಂಬಿರುವುದರಿಂದ ಅಲ್ಲಿ ಸೂರ್ಯನ ಬೆಳಕು ಬಿದ್ದಾಗ ಕಾಮನಬಿಲ್ಲು ಉಂಟಾಗುತ್ತದೆ ಎಂದು ವಿಜ್ಞಾನಿಗಳು ಅಂದಾಜಿಸಿದ್ದಾರೆ.